Owganystanda öldürilen amerikan esgerleriniň sany 2 müň 500-e golaýlady
ABŞ, soňky 18 ýylda Owganystanda 2 müň 433 esgerini ýitirdi
Merkezi ABŞ-nyň Džordžia şäherinde ýerleşýän garaşsyz gözegçilik öýüne degişli "icasualties" habarlar saýtynda berilen maglumata görä, 2001-nji ýyldan 2019-njy ýylyň 30-njy iýulyna çenli Owganystandaky çaknyşyklarda 2 müň 433 amerikan esger ýogaldy.
Ady agzalan döwürde, aralarynda amerikan esgerleri hem bolan ABŞ-nyň ýolbaşçylygyndaky Halkara koalisiýa güýçlerinden (2001-2015-nji ýyllar aralygy) we NATO wezipe güýjünden 3 müň 576 adam ýogaldy, takmynan 20 müň esger bolsa ýaralandy.
Owganystanda 2018-nji ýylda 14 amerikan esger ýogalan bolsa, bu san 2019-njy ýylyň ilkinji 7 aýynda 16-a ýetdi.
Soňky gezek bolsa Owganystanda 29-njy iýulda ýüze çykan çaknyşykda 2 amerikan esger ýogaldy.
Resmi Waşington 2001-nji ýylyň 11-nji sentýabrynda Nýu-Ýorkdaky Ekiz binalara guralan hüjümleri bahana edip, şol ýyl Owganystana Halkara koalsiýa güýji ady bilen 100 müň esgeriň girmegini üpjün etdi. Şol esgerleriň 70 müňi amerikan esgerlerinden ybaratdy.
Degişli Habarlar
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.