Donald Tramp, Narendra Modini gutlady
ABŞ-nyň Prezidenti Donald Tramp, saýlawda gazanan üstünligi mynasybetli Hindistanyň premýer ministri Narendra Modini gutlady
Tramp, sosial media hasabynyň üsti bilen Hindistanda geçirilen parlament saýlawlary bilen bagly beýanat berdi.
Beýanatynda ýaňadandan premýer ministr wezipesine saýlanan Modini gutlan Tramp: “ABŞ-Hindistan hyzmatdaşlygy üçin premýer ministr Modiniň ýolbaşçylygyndaky hökümet bilen gowy gatnaşyklar bolar. Möhüm işlerimizi bilelikde dowam etdirmäge sabyrsyzlyk bilen garaşýaryn” diýip belledi.
Hindistanda ýaňadandan premýer ministr wezipesine saýlanan Modiniň Bharatiya Janata Partiýasy (BJP), ýurtda 7 aýry etapda geçirilýän parlament saýlawlarynda üstünlik gazandy.
Hindistanyň Saýlaw komissiýasy tarapyndan berilen ilkinji maglumatlara görä, Bharatiya Janata Partiýasy (BJP), parlamentiň Halk mejlisinde 542 oturgyjyň 299-syny gazandy we şeýlelik bilen hökümeti ýeke başyna gurup bilmek üçin ýeterlik derejedäki sana eýe boldy.
Degişli Habarlar
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.
