"Idlibde 3 milliona golaý adama uly howp abanýar”

ÝB-niň Daşary gatnaşyklardan we howpsyzlykdan jogapkär ýokary wekili Federika Mogherini, Siriýanyň demirgazyk günbatarynda ýerleşýän Idlibde çaknyşyksyz zolakda soňky döwürde dartgynlygyň artýandygyna ünsi çekdi we mekdepleriň, hassahanalaryň barrel bombalary bilen nyşana alynmagynyň halkara hukugyna bap gelmeýandigini belledi.

Mogherini beren ýazmaça beýanatda, Siriýada ýogalanlaryň sanynyň köpelýändigine we soňky döwürde asuda ilatdan 150 müň adamyň öýüni terk edendigine ünsi çekdi.

Mogherini “Siriýanyň demirgazyk günbatarynda guralýan howa hüjümlerinde barrel bombalary bilen mekdepleriň we hassahanalaryň nyşa alynmagy, halkara hukugyna bap gelmeýär” diýdi.

ÝB-niň hüjümleriň jogapkärleriniň jezalandyrylmagy meselesinde tutanýerlidigine ünsi çeken Mogherini, 3 milliona golaý adama uly howpyň abanýandygyny ýatlatdy.

Siriýada Asada tabynlykdaky güýçleriň we Eýran tarapyndan goldanýan terrorçylar toparlaryň we Russiýanyň “Idlibde çaknyşyksyz zolakda” asuda ilata garşy guraýan howa we gury ýer hüjümlerinde soňky 6 günda 93 adam ýogaldy.