Siriýanyň Rakka şäherinde köpçülikleýin mazarlar tapylýar
Siriýanyň Rakka şäherinde terror guramasy DAIŞ-e agza terrorçylar tarapyndan öldürilen adamlaryň köpçülikleýin mazarlary tapylmaga dowam edýär
Rakkanyň Raýat mejlisiniň ýolbaşçysy Ebdulselam Hewsorik, Rakkada 450-si çaga bolmak bilen jemi 2 müň 600 adama degişli 3 sany täze köpçülikleýin mazar tapandyklaryny habar berip, sebitiň ýene-de ençeme ýerinde köpçülikleýin mazarlaryň bardygyny mälim etdi.
Köpçülikleýin mazarlarda öldürilen adamlaryň aglabasynyň asuda ilatdan ybaratdygy we häzirki wagtda Rakkanyň 8 aýry ýerinde köpçülikleýin mazarlaryň tapylandygy beýan edildi.
Terror guramasy DAIŞ köpçülikleýin mazarlardaky adamlaryň jesetleriniň çykarylmazlygy üçin mazarlaryň daş-töweregine minalar ýerleşdiripdir.
Minalaryň täsirsiz ýagdaýa getirilmegi bilen köpçülikleýin mazarlar ýüze çykmaga başlady.
Geçen aý Rakkanyň Aýn Isa obasynda DAIŞ tarapyndan 2014-nji ýylda öldürilen siriýaly esgerlere degişli köpçülikleýin mazar tapyldy.
Köpçülikleýin mazardan çykarylan jesetler Demokratik Siriýa güýçleri tarapyndan Siriýanyň goşunyna berilipdi.
Rakkanyň günorta-günbatary Siriýanyň hökümetiniň gözegçiligi astynda bolsa, galan bölegi Demokratik Siriýa güýçleriniň gözegçiligi astynda.
Degişli Habarlar
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.