Indoneziýadaky ýer titremede we sunamide ýogalan adamlaryň sany artdy
Indoneziýanyň Sulawesi adasynda geçen hepde başdan geçirilen ýer titremede we ondan soň bolan sunamide ýogalan adamlaryň sany 1558-e ýetdi
1062793
Indoneziýanyň Milli apat dolanşygy agentliginden berilen beýanatda, goşa heläkçilikde ýogalan adamlaryň sanynyň 1558-e ýetendigi mälim edildi.
Ýurdyň demirgazygyndaky Sulawesi adasynda Palu aýlagynyň 27 km demirgazygynda, ABŞ-niň Geologiýa ylmy-derňew guramasynyň berýän maglumatyna görä 7,5 bal ululygynda ýer titremesi bolupdy.
Ýerli çeşmeler bolsa ýer titremäniň 7,4 bal ululygyndadygyny mälim etdi.
Ýer titremeden soň Dongala we Palu şäherlerini beýikligi 3 bilen 6 metr aralygynda sunamiler urupdy.
Indoneziýada 2004-nji ýylyň 26-njy dekbarynda 9,1 bal ululygyndaky ýer titremede we ondan soň bolan sunamide 230 müň adam ölüpdi.