Russiýanyň daşary işler ministri Ysraýylda saparda bolar
Russiýanyň daşary işler ministri Sergeý Lawrow Ysraýyla garaşylmadyk sapar gurar
Ysraýylyň premýer ministri Binýamin Netanýahu Ministrler kabinetiniň mejlisiniň hepdelik maslahatynda Russiýanyň daşary işler ministri Sergeý Lawrowyň resmi sapar bilen şu gün Ysraýyla geljekdigini habar berdi.
Netanýahu myhman ministr bilen duşuşyk geçirjekdigini we gepleşikleriň gün tertibinde Siriýa meselesi boljakdygyny beýan etdi.
Ministrler kabinetiniň mejlisinde beren beýanatynda ýurdunyň Siriýa bilen 1974-nji ýylda gol çekişilen Güýçleriň yza çekilmegi ylalaşygynyň düzgünlerine bagly galmaklaryny dowam etdirjekdiklerini bellän Netanýahu: “Ysraýyl, Eýran we onuň hemralarynyň Siriýada harby baza gurmak meýillerine garşy gerek bolan ädimler eder” diýip belledi.
Netanýahu bilen Lawrowyň arasynda geçjek duşuşykda Siriýadaky Eýranyň we Hizbullahyň barlygynyň hem gün tertipde bolmagyna garaşylýar.
Daşary işler ministri Sergeý Lawrowa Russiýanyň Baş ştabynyň başlygy Waleriý Gerasimowyň hem ýoldaşlyk etjekdigi beýan edildi.
Degişli Habarlar
Liwanda Ýogalanlaryň Sany 558 Adama Ýetdi
Liwanyň Bilim ministrligi, ýurtda mekdeplarde okuwa arakesme berlendigini habar berdi
Eýranda Bolan Partlamada Ýogalanlaryň Sany 49 Adama Ýetdi
Günorta Horasan welaýatynyň Tebes etrabynda kömür käninde 21-nji sentýabr gijesi partlama bolupdy.