ÝB-ne agza 28 ýurduň jemi ilaty 2018-nji ýylda 512,6 milliona ýetdi
Şeýlelikde geçen ýyl ÝB-niň ilaty 1 million 74 müň 700 adam artdy
![ÝB-ne agza 28 ýurduň jemi ilaty 2018-nji ýylda 512,6 milliona ýetdi](http://cdn.trt.net.tr/images/xlarge/rectangle/7a37/9333/2252/5b4494038e402.jpg?time=1718519992)
Ýewropa Hasabat guramasynyň görkezijilerine görä, 28 ýurduň jemi ilaty 2017-nji ýylyň başynda 511 million 521 müň 700 mahaly, 2018-nji ýylyň başynda 512 million 596 müň 400-e ýetdi.
Şeýlelikde geçen ýyl ÝB-niň ilaty 1 million 74 müň 700 adam artdy.
Germaniýa 82 million 850 müňlik ilaty bilen ÝB-niň iň uly ýurdy boldy.
Fransiýanyň ilatynyň sany 67 million 221 müň 900-e ýetdi.
Britaniýanyň ilaty 66 million 186 müň 400 adama,
Italaiýanyň ilaty 60 million 484 müň adama
Ispaniýanyň ilaty bolsa 46 million 659 müň 300 adama ýetdi.
ÝB-niň ilaty taýdan iň kiçi ýurdy 475 müň 700 adam bilen Malta boldy.
ÝB-ne agza 28 ýurtda 2017-nji ýylda ýogalanlaryň sany täze doglanlardan geçdi.
Ady agzalýan döwürde ÝB-ne agza ýurtlarda 5 million 262 müň 700 adam ýogaldy, 5 million 58 müň 600 çaga bolsa dünýä indi.