Eýran Siriýadaky harby barlygyny dowam etdirer

Eýranyň ýarym resmi habarlar agentligi Tesnimiň berýän habaryna görä Siriýada terror guramasy DAIŞ-iň ýeňilmeginden soň, Ysraýylyň häkimiýet gurmak isleýändigini aýdan Abdullahiýan: “Şoňa päsgel bermek üçin Eýran bu ýurtdaky harby barlygyny dowam etdirer” diýip belledi.

Abdullahiýan: “Eýranyň harby maslahatçylary Siriýadaky wezipesini şol bir ýagdaýda dowam etdirer” diýdi.

Eýranyň Siriýanyň günorta-günbataryndaky harby güýjünden biynjalyk bolan Ysraýylyň Russiýa we Eýrana degişli ähli harby güýjüň sebitden çykarylmagy babatynda ylalaşandygy öňe sürülipdi.

Günbatar ýurtlaryň mediasynda ABŞ-niň Prezidenti Donald Trampyň 16-njy iýulda Finlýandiýanyň paýtagty Helsinki şäherinde duşuşyk geçirjek Russiýanyň lideri Wladimir Putinden Eýranyň Siriýadan dolulygyna çekilmegi üçin kömek sorajakdygy bilen bagly habarlar ýaýrapdy.