ABŞ-nyň we Hytaýyň wekilleri söwda krizisiniň çözülmegi üçin üçünji gezek duşuşar
He bilen Rossyň iýun aýynyň 2-4-i aralygynda Hytaýda duşuşmagy barada ylalaşyk gazanyldy
ABŞ-nyň Söwda ministri Wilbur Ross söwda krizisiniň çözülmegi üçin geljek aýyň başynda Hytaýa sapar gurar.
Hytaýyň resmi Şinhua habarlar gullugynda berlen habara görä, Hytaýyň Wise-premýeri Liu He ABŞ-nyň Söwda ministri Ross bilen telefon arkaly söhbetdeşlik geçirdi.
Telefon söhbetdeşliginde He bilen Rossyň iýun aýynyň 2-4-i aralygynda Hytaýda duşuşmagy barada ylalaşyk gazanyldy.
Iki ýurduň arasyndaky söwda düşnüşmezligi üstümizdäki hepde ABŞ-nyň Prezidenti Donald Trampyň awtomobil we ýük ulagy importy meselesinde milli derňew işiniň gozgaljakdygy hakyndaky beýanatyndan soň has-da çuňlaşdy.
Derňew işi Hytaý bilen birlikde Kanada, Meksika, Ýaponiýa we Germaniýa ýaly ABŞ-nyň hyzmatdaşlaryna gümrük salgytlarynyn goýulmagyna sebäp bolup biler.
ABŞ bilen Hytaýyň arasynda üstümizdäki aýyň ortalarynda Waşingtonda geçirlen soňky gepleşikde Hytaý, amerikan ekerançylyk we energetika önümleriniň alynmagyny artdyrmagy kabul edipdi.
