Sabyrsyzlyk bilen garaşylýan taryhy duşuşyk 12-nji iýunda bolar
Donald Tramp bilen Demirgazyk Koreýanyň lideri Kim 12-nji iýunda Singapurda duşuşar
ABŞ-nyň Prezidenti Donald Tramp bilen Demirgazyk Koreýanyň lideri Kimiň 12-nji iýunda Singapurda duşuşjakdygy habar berildi.
Donald Tramp ady agzalýan duşuşyk barada Twitter arkaly beýanat berdi.
Tramp “Sabyrsyzlyk bilen garaşylýan duşuşyk 12-nji iýunda Singapurda bolar. Demirgazyk Koreýanyň lideri bilen Singapurda duşuşaryn. İkimiz hem bu duşuşygyň dünýäniň parahatçylygy üçin öwrülşik nokady bolmagy üçin tagalla ederis” diýdi.
ABŞ-nyň Prezidenti Demirgazyk Koreýa tarapyndan zamun alynan 3 amerikalyny düýn gije Waşingtonda garşylapdy we zamun alynan 3 amerikalynyň boşadylmagy sebäpli Demirgazyk Koreýanyň liderine sag bolsun aýdypdy.
Günorta Koreýanyň Prezidenti Mun İn bilen Demirgazyk Koreýanyň lideri Kim Un bolsa 27-nji aprelde duşuşypdy.
Liderler Koreýa Ýarymadasynda yzygiderli parahatçylygyň üpjün edilmegi meselesinde ylalaşyk gazanypdy.
Degişli Habarlar
Owganystanda Metjide Guralan Hüjümde 6 Adam Ýogaldy
DEAŞ, wagtal-wagtal esasan şaýy Hazaralara garşy hüjümler guraýar.