Mosul operasiýalarynda asuda ilatdan 11 müň adamyň ýogalandygy öňe sürüldi
Yragyň Premýer ministri Haýdar Abadi bolsa operasiýalarda 126 adamyň ýogalandygyny mälim edipdi
Mosulyň DAIŞ-den halas edilmegi üçin guralan operasiýalarda asuda ilatdan 11 müň adamyň ýogalandygy öňe sürüldi.
Yragyň hökümeti Mosulyň terror guramasy DAIŞ-den yzyna alynmagy üçin guralan operasiýalarda 1260 adamyň ýogalandygyny habar berdi.
Iňlis The Taimes gazeti bolsa Mosul operasiýasynda ýogalan asuda ilatyň sanynyň çaklanandan 10 esse köpdügini ýazdy.
Asuda ilatyň bir böleginiň howa we roketa hüjümlerinde we Yragyň ýaragly güýçleriniň ot açmagy sebäpli ýogalandygy, bir böleginiň bolsa DAIŞ tarapyndan öldürlendigi nygtaldy.
Amerikan AP-nyň geçiren barlaglaryna görä bolsa Mosul operasiýasynda asuda ilatdan 9 müň 606 adam ýogaldy.
AP 9 aý dowam eden operasiýada asuda ilatdan 9-11 müň adamyň ýogalandygyny nygtaýar.
Resmi Waşington, ABŞ-nyň ýolbaşçylygyndaky halkara hyzmatdaş güýçleriniň wagtal-wagtal guran howa hüjümlerinde asuda ilatyň ýogalandygyny kabul edipdi.
Yragyň Premýer ministri Haýdar Abadi bolsa operasiýalarda 126 adamyň ýogalandygyny mälim edipdi.
