Sergeý Şoýgu: “Siriýada terrorçylara garşy alynyp barylýan operasiýalar tamamlanyp barýar”
Russiýanyň Goranmak ministri Sergeý Şoýgu Siriýada terrorçylara garşy alynyp barylýan operasiýalaryň tamamlanyp barýandygyny belledi
Ysraýyla resmi sapar guran Sergeý Şoýgu ysraýylly kärdeşi Awigdor Liberman bilen geçiren duşuşygynda: “Siriýada operasiýalar tamamlanyp barýar. Gyssagly çözülmeli birnäçe mesele bar. Siriýanyň geljegi hem ara alynyp maslahatlaşylmaly” diýdi.
Russiýa bilen Ysraýylyň arasynda ele alynmadyk ençeme meseläniň bardygyny aýdan Şoýgu: “Ikitaraplaýyn harby we tehniki hymztdaşlyk bilen birlikde, elbetde esasy meseleler bolan terrora garşy göreş we sebitdäki ýagdaý bilen baglanşykly” diýdi.
Şoýgu: “Dünýädäki terrorçylykly hüjümleriň artan mahalynda, halkara jemgyýetiň bu erbetlige garşy birek-birege goldaw bermegi zerur” diýip belledi.
Sergeý Şoýgu gepleşikkleriň birek-biregi has gowy düşünmäge we Russiýa bilen Ysraýylyň Ýaragly güýçleriniň arasyndaky dostlukly gatnaşyklaryň berkemegine kömek berjekdigini nygtady.
