Mattis: “ABŞ Eýran bilen baglaşan ýadro ylalaşygyndan çekilmeli däl”
ABŞ-nyň Goranmak ministri Jim Mattis ýurdunyň Eýran bilen baglaşylan ýadro ylalaşygyndan çekilmeli däldigini belledi
820133
Mattis Amerikan Senadynyň Ýaragly hyzmatlar komitetinde senatorlaryň soraglaryna jogap berdi.
Senatorlaryň biriniň Eýran bilen gazanylan ýadro ylalaşygyndan çekilmeginiň ABŞ-nyň peýdasynamy ýa-da dälmi diýen soragyna Mattis: “Peýdasyna däl” diýip jogap berdi.
Mattis Eýranyň ylalaşygyň düzgünlerini bozandygy barada hiç hili deliliň ýokdygyny belläp, bu ýerde ylalaşykdan çekilip-çekilmezligiň Prezidentiň berjek kararyna baglydygyny nygtady.
Eýran bilen P5+1 ýurtlaryň arasynda 2015-nji ýylda ýadro ylalaşygy gazanylypdy. Ylalaşyga laýyklykda Eýran ýadro işlerini çäklendirmelidi, beýleki ýurtlar bolsa goýan ykdysady sanksiýalaryny aýyrmalydy.