NATO-Russiýa Geňeşiniň maslahaty 19-njy dekabrda geçiriler
NATO-nyň Baş Sekretary Ýens Stoltenberg NATO-Russiýa Geňeşiniň 19-njy dekabrda Ukraina meselesi boýunça maslahat geçirjekdigini aýtdy
Stoltenberg ÝB-ne agza ýurtlaryň döwlet we hökümet ýolbaşçylarynyň gatnaşmak üçin Belgiýanyň Brýussel şäherine guraýan saparynyň dowamynda žurnalistleriň soraglaryna jogap berdi.
NATO-nyň Russiýa bilen esasy dialog platformasy bolan NATO-Russiýa Geňeşini duşenbe güni maslahat geçirmäge çagyrandygyny aýdan Stoltenberg, ilçileriň derejesinde geçiriljek maslahatda Ukraina meselesine garaljakdygyny mälim etdi.
Stoltenberg: “Şu günki günde bolşy ýaly dartgynly günlerde Russiýa bilen gönüden dialogy dowam etdirmek hemişekisinden has möhüm” diýdi.
NATO-Russiýa gatnaşyklary resmi Moskwanyň 2014-nji ýylda Ukrainanyň Krym Awtanomiýasyny anneksiýa etmeginden soň dartgynlaşypdy.
NATO-Russiýa Geňeşiniň maslahatlary şu ýyl ýaňadandan başlapdy, emma iki maslahatdan-da netije çykmandy.
Degişli Habarlar
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.