Türkiýe ýadro synaglary sebäpli Demirgazyk Koreýany ýazgardy
Koreýa Demokratik Halk Respublikasynyň 5-nji ýadro synagyny geçirmegine alada bildirýäris”
Türkiýe, ýadro synaglary we 5-nji sentýabrda balistiki roketa uçurandygy sebäpli Demirgazyk Koreýany ýazgardy.
Daşary işler ministrligi tarapyndan berlen ýazmaça beýanatda; “ Koreýa Demokratik Halk Respublikasynyň 5-nji ýadro synagyny geçirmegine alada bildirýäris” diýildi.
Beýanatda ýadro synagynyň we balistiki rokete uçurmagyň sebitara we halkara parahatçylyk we howpsyzlyk taýdan diýseň howplydygy nygtaldy.
Daşary işler ministrligi tarapyndan berlen beýanatda sebitiň asudalygyna we durnuklylygyna ýaramaz täsirini ýetirip biljek ýadro synagynyň BMG-nyň Howpsyzlyk geňeşiniň kararlarynyň açyk aýdyň ýagdaýda basylanýandygyny görkezýändigi bellenildi.
Beýanatda Türkiýäniň, Demirgazyk Korýanyň halkara jogapkärçiliklerini ýerine ýetirmegine garaşýandygy nygtaldy.
