“Türkiýäniň hökümeti bilen hyzmatdaşlygymyzy dowam etdireris”
Amerikanyň Birleşen Ştatlary Türkiýäniň serhedinde howpsyzlygy artdyrjak ähli çärelere ähmiýet berýändiklerini we türk hökümeti bilen hyzmatdaşlyklaryny dowam etdirjekdiklerini mälim etdi
ABŞ-nyň Goranmak ministrligi Pentagonyň metbugat geňeşçisi Piter Kuk Kilise garşy terror guramasy DAEŞ-iň roketaly hüjümleri we Prezident R.T. Erdoganyň Türkiýäniň ýeke galandygy baradaky sözleri ýatladylyp “DAEŞ-e garşy göreşde Türkiýä şu günki güne çenli beren kömekleriňizden başga orta atanlaryňyz barmy?” diýilen soraga Kuk: “Türkiýäniň özüni howpsyz duýmagy üçin edip bilýänlerimizi ýerine ýetirmek isleýäris. Mesele babatynda türk hökümeti bilen gepleşiklerimizi dowam etdirýäris” diýdi.
Piter Kuk Türkiýe-Siriýa serhedindäki 98 inedördül kilometrlik meýdanyň terror guramasy DAEŞ-den saplanmagy barada durup geçip, DAEŞ-iň Türkiýä garşy howpyna alada bildirýändiklerini belledi.
ABŞ-nyň Daşary işler ministrliginiň metbugat geňeşçisi Elizabet Trudeau hem terror guramasy DAEŞ-iň hüjümlerine sezewar bolýan Türkiýäni goldamaklaryny dowam etdirjekdiklerini habar berdi.
Trudeau: “Elmydama aýdyşymyz ýaly güýçli ýagdaýda Türkiýäniň ýanynda durmagymyzy dowam etdireris” diýdi.