ÝHHG: Ukrainanyň gündogarynda dartgynlyk artyp biler

Ýewropanyň howpsyzlyk we hyzmatdaşlyk guramasy Ukrainanyň gündogarynda dartgynlygyň artyp biljekdigini duýdurdy.

ÝHHG-nyň synçylary Ukrainanyň goşunynyň we Russiýanyň tarapdarlary separatist toparlaryň howp döredip biljek derejede biri-birlerine golaýlaşandyklaryny habar berdiler.

Sebitdäki parahatçylyga gözegçilik edýän synçylar taraplaryň biri-birlerine käbir ýerlerde birnäçe ýüz metre çenli golaýlaşandyklaryny bellediler.

Parahatçylyk ylalaşygyna görä taraplar biri-birlerinde 2 bilen 5 km uzaklykda bolmaly.