Taliban tarapyndan guralan hüjümde 35 adam ýogaldy
Operasiýa sebäpli howa menzilindäki uçar saparlary ýatyryldy
Owganystanyň Kandahar şäherinde Taliban tarapyndan guralan hüjümde ýogalanlaryň sany 35 adama ýetdi.
Talibanyň düýn agşam howa menziliniň edil gapdalynda ýerleşýän gullukçylaryň we harby işgärleriň bolýan umumy ýaşaýyş jaýyna şol bir wagtda guran hüjüminde zenanlar we çagalar bilen birlikde 11 adam hem ýaralandy.
Owganystanly general Dawutşah Wafadar Anadoly habarlar gullugyna beren beýanatynda çaknyşyklaryň henizem dowam edýändigini we çaknyşyklarda 9 terrorçynyň öldürlendigini aýtdy.
Hüjümçileriň 14 adamy nygtalýar.
Terrorçylaryň bir bölegi howa menziliniň garşysyndaky mekdepden esgerlere hüjüm etmäge başlady.
Azyndan 5 terrorçynyň umumy ýaşaýyş jaýyna girip käbir adamlary zamun almagy sebäpli operasiýa dowam edýär.
Operasiýa sebäpli howa menzilindäki uçar saparlary ýatyryldy.
Hüjümiň jogapkärçiligini öz üstüne alan Taliban hüjümde 150 owgan we amerikan esgeriniň öldürlendigini, 27 tank bilen birnäçe uçaryň hem hatardan çykarlandygyny öňe sürdi.
