Owganystanda ýaragly hüjüm guraldy

Owganystanyň Uruzgan welaýatynyň Tarin Kot etrabynda polis merkezine guralan ýaragly hüjümde polis merkeziniň müdiri Gulab Han ýogaldy.

Uruzgan welaýat häkimliginiň metbugat geňeşçisi Dost Muhammed Naýeb Hanyň düýn agşam Tarin Kot etrabynda polis merkezine baran wagtynda ýaragly hüjüme sezewar bolandygyny habar berdi.

Naýeb waka bilen baglanşykly derňew işleriň geçirilýändigini we şübhelenilen bir polis işgäriniň tussag edilendigini mälim etdi.