Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
Al-Watan (Katar): Katar we Iordaniýa howpsuzlyk ylalaşygyny baglaşdylar.
Al-Raýa Al-Katariýa (Katar): Ýer şar ertir 6-njy iýunda Güne iň uzak araçäkde bolar.
Al-Watan (Oman): Omanyň Harby-deňiz güýçleriniň serkerdesi general Bahri Seýf bin Nasyr Al-Rahbiniň ýolbaşçylygyndaky wekiliýet şu gün irden Beýik Britaniýa gitdi.
Frankfurter Allgemeine Zeitung: Azerbaýjan Ermenistanyň 15 raýatyny azat etdi.
Tagesschau.de: Germaniýada syýasatçylar we hünärmenler koronawirus sanjymyny etdirmeýänlere pul jerimesiniň salynmagyny talap edýärler.
dpa: Hytaýyň täze emeli hemra desgasynda hytaýly kosmonawtlar älem giňişliginde ilkinji gezek ýöriş etdiler.
El Mundo (Ispaniýa): Ispaniýada geçirilen sowalnama görä 35 ýaş we ondan kiçi ýaşda bolan adamlar işsizlik, bahalaryň gymmatlygy we gelejek aladalary sebäpli kireýine çykmak ýa-da öý satyn almak babatynda islegsizdiklerini ýüze çykardy.
El Nasional (Wenesuela): ABŞ-daky Jon Hopkins uniwersitedi tarapyndan geçirilen ylmy-derňewe görä, Wenesuelanyň ilatynyň diňe 0,8 göterimine Kowid-19-a garşy sanjym edildi.
El Pais (Ispaniýa): Ispaniýada şepagat uýalary garrylar öýlerinden gaçýarlar. Häzirki wagtda garrylar öýünde 15 müňe golaý işgär ýetmezçiligi bar.
Le Figaro: Delta görnüşi: Fransiýanyň Saglygy goraýyş ministri Oliwýe Weran, iýul aýynyň ahyrynda Kowid-19 epidemiýasynda 4-nji tolkunyň başlap biljekdigi barada duýduryş berdi.
Le Parisien: Fransiýada Kowid-19-a garşy mejbury sanjym bilen bagly basyşlar barha artýar.
Ria.ru: Ukrainanyň Prezidenti Wladimir Zelenskiý, Gara deňizdäki "Sea Breeze" atly harby türgenleşigine gatnaşýan ABŞ-nyň "Ross" atly esmines gämisine baryp gördi.
TASS: Kremliň metbugat geňeşçisi Dmitriý Peskow, Demirgazyk Atlantik bileleşigi bilen öňe sürülen şertleriň astynda dialogyň mümkin bolmajakdygyny we NATO-nyň materige durnuklylyk getirmeýändigini, durnuklylygy bozýan faktor bolup hyzmat edýändigini mälim etdi. Peskow mundan başgada Russiýa bilen Türkiýäniň arasyndaky gatnaşyklaryň NATO agza ýurtlar bilen konstruktiw gatnaşyklary ýola goýup boljakdygyna bir mysaldygyny beýan etdi.
Kommersant: Russiýanyň Rospotrebnadzor guramasy koronawirus epidemiýasynyň Russiýa Federasiýasynyň ykdysadyýetine 1 trillion rubl zyýan ýetirendigini habar berdi.
