Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly beýan tapýar
zdf.de: Germaniýada koronawirus epidemiýasy sebäpli görülen çäreleriň netijesinde derslerinden yza galýan okuwçylara goldaw maksatly taýarlanan 2 milliard ýewrolyk goldaw bukjasy Ministrler kabineti tarapyndan kabul edildi.
Süddeutsche Zeitung: Facebook platformasy, ABŞ-nyň ozalky Prezidenti Donald Trampyň sosial media platformasyna giriş gadagançylygynyň dowam etmegi barada karar kabul etdi.
Welt.de: Ýewropa Bileleşigine agza ýurtlaryň raýatlarynyň 1/4 bölegi Kowid-19-yň ilkinji dozasyny etdirdi.
Le Monda: Fransiýanyň Merinýan şäherinde köçäniň ortasynda äri tarapyndan ýakylan zenan ýogaldy.
France 24: Fransuz harbylara we syýasatçylara Napoleonyň ýogalmagynyň 200-nji ýyly bilen bagly beýanat beren Fransiýanyň Prezidenti Emmanul Makron: "Napoleon biziň bir bölegimizdir" diýdi.
Le Parisien: Fransiýanyň Awignon şäherinde polisiýa gullugynyň 1 işgäri neşe operasiýasynda atylyp öldürildi.
Al-Kudus Al-Arabi: Ýewropa Bileleşigi basyp alyjy Ysraýylyň ýaşaýyş ýerlerini giňeltmegini bes etmegini talap edýär.
Al-Kudus Al-Arabi: Liwiýanyň gündogar sebitinden bir wekiliýet ýurdyň paýtagty Tripoli şäherine sapar gurady we Liwiýanyň Premýer ministri Abdülhamid Dibeýbeden Bingazi şäherine saparyny çaltlandyrmagyny isledi.
Al Jazeera: Diplomatik çeşmeler: "Tähran bilen ABŞ-nyň arasyndaky düýpsüz uçurym Wena gepleşikleriniň dowam etmegini togtatdy" diýip habar berdi.
El Pais: Ispaniýanyň Madrid awtonom zolagynda 4-nji maýda sişenbe güni geçirilen möhletinden irki saýlawda çepçi partiýalaryň şowsuzlygyndan soň, Ispaniýanyň Sosialist zähmetkeşler partiýasyna degişli käbir deputatlar ykdysady kadalaşmanyň ýagdaýy ters öwürjekdigine ynanýandyklaryny beýan etdiler.
El Mundo: Ispaniýanyň Zähmet ministri Ýolanda Diazyň Podemos partiýasynyň lideri Pablo Iglesiasyň syýasatdan aýryljakdygy barada beren beýanatyndan soň, partiýanyň täze lideri hökmünde garalýar.
TeleSur (Wenesuela): Kolumbiýada howpsuzlyk güýçleri bilen demonstrantlaryň arasynda başdan geçirilen hadysaly gijäniň ýenede biri geçdi. Pereira şäherinde ýene-de 2 demonstrant ýogaldy.
Lenta.ru: Ukraina Russiýany BMG platformasyny öz bähbitlerini ulanmak bilen günäkärledi.
TASS: Bütindünýä Sanjym kongresinde iň gowy Kowid-19 sanjymy hökmünde Moderna kärhanasynyň sanjymy saýlandy.
Gazeta.ru: ABŞ-ly hünärmenler ABŞ-nyň Prezidenti Jo Baýden bilen Russiýa Federasiýasynyň Prezidenti Wladimir Putiniň arasynda bolmagy ähtimal duşuşygyň, Çehiýa, Islandiýa, Sloweniýa ýa-da Azerbaýjan döwletlereriniň paýtagtlarynyň birinde boljakdygyny pikir edýär.
