Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär.
“Doça Welle” Germaniýanyň Robert Koç institutynyň başlygy Wieleriň, ýurtda täze görnüş koronawirusyň 3-nji tolkunynyň başdan geçirilýändigi hakyndaky sözlerine ýer berýär.
“Zdf.de” ÝB Komissiýasynyň Johnson &Johnson firmasy tarapyndan öndürlen Kowid-19 sanjymynyň ulanylmagyny tassyklandygyny habar berýär.
“Şpigel.de” Germaniýada aşa sagçylar we terrorizm sebäpli ýitgi çekenlere we olaryň hossarlaryna 2017-2020-njy ýyllaryň aralygynda 16 million ýewrodan gowrak jerime tölenendigini ýazýar.
“Le Monde”, Fransiýanyň Saglygy goraýyş ministri Oliwer Werana görä, “ýurduň koronawirus ýagdaýy aladalandyryjy” diýýär.
“Le Parisien” Geçirlen ylmy barlaglardan birine görä, “koronawirusa ýolugan biriniň Kovid-19 sanjymynyň ikinji dozasyna etdirmegi hökmany däl” diýýär.
“El Pais” Kovid-19 sanjymynyň, koronawirusyň iň howly görnüşlerine garşy hem oňyn netije berýändigini habar berýär.
“ABJ” AstraZeneca firmasynyň öndüren Kovid-19 sanjymy hakyndaky şübheleriň syýasy dartgynlygyň artmagyna sebäp bolandygyny mälim edýär.
“La Terjera” Geçirlen ylmy barlaglardan birine görä, 2100-njy ýylda tomus möwsümi Demirgazyk ýarymşarynda 6 aý dowam eder.
“Elraýa” Kataryň Emiri Şyh Tamim Bin Hamad Al Sani bilen Türkiýäniň Daşary işler ministri Mewlüt Çawuşogly bilen düýn Dohada strategik gatnaşyklar hakynda pikir alyşandygyny okyjylarynyň dykgatyna ýetirýär.
“Eldustour” Resmi Waşingtonyň, ýadro ylalaşygynyň şertleri doly berjaý edilmezden Eýrana goýlan sanksiýalary bes etmejekdigini habar berýär.
“RIA Nowosti” ÝB-ne agza ýurtlaryň ilçileriniň käbir rus ýolbaşçylaryna goýuljak sanksiýalar meselesinde ylalaşyk gazanandygyny mälim edýär.
“Lenta ru” Ukrainanyň Milli howpsyzlyk we goranyş geňeşiniň “Krymyň we Siwastopolyň basyp alyşlykdan halas edilmegi hakyndaky strategiýany tassyklandygyny habar berýär.
“Izwestiýa” gazeti, Türkiýäniň rus syýahatçylarynyň ünsüni özüne çekmäge dowam edýändigini nygtaýar.
