Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
Deutsche Welle: Türkiýäniň Daşary işler ministrligi, Roseline-A atly türk gämisiniň Liwiýanyň suw giňişliginde duruzulmagy sebäpli, ÝB-niň we Italiýanyň ilçileri bilen Germaniýanyň Işler wagtlaýyn ynanylan şahsa nota berilendigini aýan etdi.
Spiegel.de: Germaniýanyň Gamburg fregaty Liwiýanyň suw giňişliginde Türkiýä degişli ýük gämisini halkara hukuga ters ýagdada duruzyp, ençeme sagatlap barlag geçirdi.
Tagesschau.de: Germaniýanyň Saglygy goraýyş ministri Ýens Spahn, rugsatlar çykanyndan soň dekabr aýynda sanjymlaryň başladylmagyny umyt edýändiklerini habar berdi.
Al-Kudus Al-Arabi: ABŞ-da geçirilen Prezident saýlawynda ýeňiş gazanan Jo Baýden, palestinaly aktiwist Rima Dudini Ak Tamda ýokary wezipä belledi.
Al Jazeera: NATO we Ýewropa Bileleşigi Jo Baýdene gatnaşyklary ýaňadandan ýola goýmak barada çagyryş berýärler.
Al-Raýa (Katar): ÝUNISEF öňümizdäki ýylyň başynda ägirt uly operasiýa bilen ýoksul ýurtlara Kovid-19-a garşy göreş maksady bilen takmynan 2 milliard sany sanjym paýlajakdygyny habar berdi.
El País (Ispaniýa): Ispaniýada koronawirusa garşy görülen berk çäreler epidemiýanyň 2-nji tolkunyny duruzdy.
El Mundo (Ispaniýa): Ispaniýada geçirilen ylmy-derňewe görä, allergiki demgysmasy bolan adamlar koronawirusa beýleki adamlara garanyňda has az ýolukýarlar.
Infobae (Argentina): Wenesuelanyň nebiti taryhyň iň uly ýiten hazynasy bolmak howpunyň astynda.
Le Monde: Fransiýanyň paýtagty Pariž şäherindäki Respublika heýkeliniň golaýynda ýerleşýän bosgunlaryň galýan düşelge, howpsuzlyk güýçleri tarapyndan güýç ulanylyp boşadyldy.
Le Figaro: ABŞ-nyň Prezidenti Donald Tramp, häkimiýeti tabşyrmak üçin işe girişdi.
France 24: Kovid-19: Britaniýada karantin düzgüni dekabr aýynyň başynda aýrylar.
TASS Agentligi: Daglyk Garabagda minanyň partlamagy netijesinde Azerbaýjanyň Ýaragly güýçlerinden 1 ofiser şehit boldy, Russiýanyň Parahatçylyk güýjünden 1 esger bolsa ýaralandy.
Ria Nowosti Agentligi: Russiýanyň Goranmak ministrligi, Daglyk Garabagda mina saplaýyş işleriniň geçirilýändigini mälim etdi.
Lenta.ru: Russiýadan Ýewropa nebit we tebigy gaz eksportynda peselişiň bolup biljekdigi çak edilýär.