Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
Süddeutsche Zeitung: Kovid-19 sanjymy entek bazara çykmadan dünýä syýasatyny üýtgetmäge başlady.
Deutsche Welle: Jo Baýdeniň Kovid-19-y dolulygyna ýok etmek üçin hyjuwly meýilnamasy bar.
ard.de: ABŞ-daky saýlawlar: Tramp Alýaskada üstün çykdy. Jorjia ştatynda sesler ýaňadandan sanalýar.
Le Figaro (Fransiýa): Ikinji karantin döwri: Fransuzlaryň 60 göterimi karantiniň düzgünlerini bozdy.
Le Monde (Fransiýa): Kovid-19: Ikinji koronawirus tolkuny dowam edýän mahaly, Fransiýanyň Premýer ministri Žan Kasteksiň metbugat ýygnagyny geçirmegine garaşylýar.
Le Parisien (Fransiýa): Pariž Parahatçylyk forumy: Fransiýanyň Prezidenti Emmanuel Makron "Sanjym diplomatiýasyny" başladýar.
AlJazeera: Jo Baýden öz ýolbaşçylygynda hökümeti gurmaga başlady. ABŞ-nyň Prezidenti Donald Tramp saýlawyň netijesini ykrar etmeýär.
Al-Raýa (Katar): Palestinanyň Azatlyk guramasynyň Baş sekretary Saeb Erakat, resmi çynaza çäresinden soň, öz dogduk ýeri Erihada jaýlandy.
Al-Raýa (Katar): Dubaýyň howa menzilleri, Ysraýylyň 3 howa ýolunyň wekillerini kabul edýär.
Al-Kuds Al-Arabi: Saud Arabystany: Jidde şäherinde musulman bolmadyk adamlaryň jaýlanýan gonamçylyga guralan hüjümde 4 adam ýaralandy.
La wanguardia (Ispaniýa): Ispaniýanyň hökümeti ýurtdaky maskalaryň salgydyny azaldar.
El Pais (Ispaniýa): Ýewropa Bileleşiginiň Daşary gatnaşyklar we howpsuzlyk syýasaty boýunça ýokary wekili Žozep Borrel: "ÝB ABŞ-nyň gorag saýawanynyň astynda uzak wagtlap ýatdy" diýip belledi. Borrel, mundan başgada ABŞ-nyň täze Prezidenti Jo Baýdeniň Eýran we daşary syýasatynyň Halkara sahnany dolulygyna üýtgetjekdigini habar berdi.
La Jornada (Meksika): Argentinanyň ozalky Prezidenti Maurisio Masri, ýurdunda "ARA San Juan" suwasty gämisiniň batmagyny ýaşyrmak bilen günäkärlenýär.
TASS: Daglyk Garabagdaky Parahatçylyk operasiýasynda rus dikuçarlar ulanylar.
Kommersant: Russiýanyň Milli Bilim ministrligi, fewral aýyna çenli dersleriň onlaýn görnüşde geçirilmegini isledi.
Ria Nowosti: Türkiýede koronawirus sebäpli köçelerde we köpçülikleýin aragatnaşyk serişdelerinde çilim çekmek şu günden başlap gadagan edildi.
