Daşary ýurt metbugatyna syn
Gün teritiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
“Al Raýa” gazeti, Ýemeniň hökümetiniň Adeni “koronawirusly şäher” hökmünde yglan edendigini ýazýar.
“Al Žazeera” gazeti, Pars aýlag ýurtlarynda koronawirusa ýoluganlaryň sanynyň 100 müňden geçendigini mälim edýär.
“Al Žazeera” gazeti, Britaniýanyň, Ysraýylyň Günbatar Şeriada käbir etrapçalaryň anneksirlenmegi baradaky meýilnamasyna garşylyk görkezendigini belleýär.
“Frans-24” Ýewropa ýurtlarynda gündelik durmuşyň tapgyrlaýyn kadalaşýandygyny, Hytaýda we Günorta Koreýada Kowid-19-yň ýaňadandan ýaýramaga başlandygyny habar berýär.
“Le Parisien”, Saglygy goraýyş krizisiniň, Fransiýada Prezident Emmanuel Makron bilen Premýer ministr Filippeniň arasynda düşnüşmezlige sebäp bolandygyny mälim edýär.
“T-online.de” Syýahatçylyk möwsüminiň açylmagynyň öňüsyrasynda, Prezident R. T. Erdogan bilen Germaniýanyň Federal Kansleri Angela Merkeliň telefon arkaly söhbetdeşlik geçirendigini aýan edýär.
“Tageşpigel.de” Germaniýada, federal hökümetiň koronawirusa garşy sanjymyň oýlanyp tapylmagy üçin 750 million ýewrolyk bujet bölüp berendigini belleýär.
“MDR.de” Germaniýanyň Federal Kansleri Angela Merkeliň, saglygy goraýyş işgärlerine, epidemiýa döwründe amala aşyrýan işleri üçin sag bolsun aýdandygyny nygtaýar.
“El Pais” gazeti, Ispaniýada howa ýoly firmalarynyň, koronawirusa garşy göreşiň çäginde uçarlardaky ýolagçylaryň sanynynyň azaldylmagyna garşydygyny we bu ýagdaýyň howa ýoly firmalarynyň bankrot bolmagyna sebäp bolup biljekdigi barada duýduryş berendiklerini ýatladýar.
Rus “RIA Nowosti” Russiýanyň Sank-Peterburg şäherinde, koronawirus kesellileriniň bejergi alýan hassahanasyndaky ýangyn sebäpli 5 adamyň ýogalandygyny habar berýär.
Rus “TASS” habarlar gullugy, rus hökümetiniň çagaly maşgalalara goşmaça maliýe kömeginiň berilmegi baradaky taslamany tassyklandygyny nygtaýar.
“Lenta rus” habar saýty, Russiýada soňky 24 sagatda 11 müň 656 adama koronawirusyň ýolugandygyny habar berýär.
