Daşary ýurt metbugatyna syn

Katarda çap edilýän “ Al Raýa Al Katariýa” gazeti, Kataryň, Ýakyn Gündogar ýurtlarynyň arasynda howpsyzlyk şertnamasynyň baglaşylmagyny isleýändigini ýazýar.

Saud Arabystanynda çap edilýän “Alşarg Alawsat” gazeti, ABŞ bilen Saud Arabystanynyň harby türgenleşik geçirjekdigini nygtaýar.

Kuweýtde çap edilýän “Watan” gazeti, ABŞ-nyň Goranmak ministrliginiň “Eýrandan Ýemendäki Husilere ugradylan ýaragdan doly 7 konteýneri ele geçirdik” diýen beýanatyna ýer berýär.

“Doçe Welle”, Prezident R. T. Erdoganyň Siriýanyň hökümetine soňky gezek duýduryş berendigini belleýär.

“Şpigel.de” Germaniýanyň Federal Kansleri Angela Merkeliň, Hristiýan demokrat bileleşigi JDU partiýasynyň saýlawlaryndan çetde durmak isleýändigini nygtaýar.

“Welt.de” Germaniýanyň Hanau şäherinde bolan ýaragly çaknyşykda 11 adamyň ýogalandygyny belleýär.

“Le Monde” Germaniýada kafeleriň birine guralan hüjümde 11 adamyň ýogalandygyny ýatladýar.

“Frans 24” Bütindünýä saglygy goraýyş guramasynyň koronawirusyň ýaýrama howpunyň aşaklamagyndan hoşaldygyny habar berýär.

Rus “TASS” habarlar gullugy, Russiýanyň döwlet Ýolbaşçysy Wladimir Putiniň, ozalky Premýer ministri Dimitri Medwedew bilen hökümetiň wezipesinden çekilmegi meselesini birnäçe wagt ozal ara alyp maslahatlaşandygy hakyndaky sözlerine ünsi çekýär.

Rus “Izwestiýa” gazeti, Türkiýäniň, Russiýanyň we Eýranyň Siriýada başdan geçirilýan soňky wakalary ara alyp maslahatlaşmak üçin , üç taraply maslahat geçirmek isleýändigini belleýär.

Rus “Ria Nowosti” gullugy, Ýaponiýada karantin astyna alynan ýolagçy gämisindäki ýene-de 2 rus ýolagça wirusyň ýokaşandygynyň anyklanylandygyny nygtaýar.

Wenesuelada çap edilýän “Telesur” gazeti, Prezident Erdoganyň Siriýa operasiýa guralmagy üçin ähli taraýlyklaryň tamamlanandygy hakyndaky sözlerine ýer berýär.

Kubada çap edilýän “Prense Latin” gazeti, Meksikada 2 adamda koronawirusyň bardygynyň anyklanylandygyny belleýär.