Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
Al Shark Al Awsat: Mahmud Abbas ABŞ-nyň Parahatçylyk meýilnamasy barasynda Howpsyzlyk geňeşinde çykyş eder.
Al Kuds Al Arabi: Waşingtondaky Ortodoksal jöhitler, Trampyň meýilnamasyny ret edýändiklerini aýan etdiler.
Al Jazeera: Günbatar Şeriadaky çaknyşyklardan soň Ysraýyl Gazany bombalady.
Süddeutsche Zeitung: Erdogan Putine duýduryş berdi.
Türkiýäniň Prezidenti Rejep Taýýip Erdogan, Russiýanyň Ankara bilen gazanylan ylalaşgy ýerine ýetirmeýändigini beýan etdi.
Deutsche Welle: Koronawirusdan ýogalan adamlaryň sany 170-e ýetdi. Koronawirus epidemiýasy sebäpli ýogalan adamlaryň sanynyň tiz depginler bilen artmagy Bütindünýä Saglygy goraýyş guramasyny herekete geçirdi. Bütindünýä Saglygy goraýyş guramasy şu gün koronawirus bilen bagly tankydy maslahat geçirer.
Spiegel.de: Britaniýanyň ÝB-niň düzüminden çykmagy: Ýewropanyň Parlamenti Breksit ylalaşygyny tassyklady.
El Mundo (Ispaniýa): Ispaniýada Halk partiýasynyň lideri Pablo Kasado, hökümetiň başlygy Pedro Sançeziň ygtyýaryny çäklendirmek üçin konstitutsion böwediň emele getirilmelidigini belledi.
Klarin (Argentina): Argentinanyň lideri Alberto Fernandez, Halkara Pul Gaznasyna garşy has güýçli durup bilmek üçin Ýewropadan kömek soraýar: Ilkinji saparyny Roma gurar.
El Pais (Ispaniýa): Koronawirus: Uhandan çykaryljak Ispaniýanyň raýatlary 14 günlik bir karantinden soň Ýewropa girip bilerler.
Le Soir: Koronawirus: Belgiýaly tur operatorlar Hytaýa guraljak saparlary goý bolsun eder.
France 24: Ýewropa Parlamenti Breksit ylalaşygyny sesleriň köplügi bilen tassyklady.
Le Parisien: Koronawirus: Fransiýada tassyklanan 5-nji waka gabat gelindi, 2 syrkaw reanimasiýada.
Russiýanuyň Tass habarlar agentligi: Russiýanyň Döwlet baştutany Wladimir Putin 30-njy ýanwarda penşenbe güni gysga möhletlik iş sapary bilen Russiýa geljek Ysraýylyň Premýer ministri Binýamin Netanýahu bilen Moskwada duşuşyk geçirer. Putin we Netanýahu, Trampyň Asyryň ylalaşygyny ara alyp maslahatlaşarlar.
Ria Nowosti: Türkiýede täze görnüş koronawirusyň syýahatçylyk pudagyna ýetirjek täsiri maslahatlaşyldy.
Russiýanyň Westi gazedi: Russiýanyň Uzak Gündogardaky 5 sebitinde Hytaý bilen bolan gümrük geçelgeler ýapylar.
