Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
Katarda çap edilýän “Al Raýa Al Katariýa” gazeti, 21 müň siriýalynyň Türkiýe serhedine tarap ýola çykandygyny ýazýar.
Saud Arabystanynda iňlis dilinde çap edilýän “Alşarg Alawsat” gazeti, ABŞ-nyň Prezidenti Trampyň şu gün “Parahatçylyk meýilnamasyny” beýan etjekdigini, Ysraýylyň Premýer ministri Netanýahunyň meýilnamany “Asyryň pursady” hökmünde görýändigini belleýär.
Katarda çap edilýän “Al Raýa Al Katariýa” gazeti, başga bir habarynda Arap we Günbatarly ýurtlaryň koronawirusy sebäpli Hytaýdaky raýatlaryny yzyna çagyrandygyny habar berýär.
Rus “TASS” habarlar gullugy, Russiýanyň Içeri işler ministrliginiň, 2019-njy ýylda ykdysady jenaýatlar sebäpli 447 milliard rubla barabar ýitgi çekilendigi hakyndaky beýanatyna ünsi çekýär.
Rus “Izwestiýa” gazeti, et we süýt önümleriniň nyrhynyň 12 göterim artyp biljekdigini ýazýar.
“Fokus.de” Hytaýda täze görnüşli koronabirusyna Germaniýada hem gabat gelinendigini habar berýär.
“Nex24.de” Germaniýanyň Federal Kansleri Angela Merkeliň Albaniýanyň ÝB-ne agzalygyna goldaw berýändigini ýazýar.
“Le Figaro”, Hytaýda koronawirusy epidemiýasy sebäpli ýogalanlaryň sanynyň 106 adama ýetendigini, mekdeplerde okuwlara arakesme berlendigini belleýär.
