Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär.
Saud Arabystanynda iňlis dilinde çap edilýän Alşarg Alawsat gazeti, Yraga guralan raketa hüjüminiň arkasynda Eýranyň bardygynyň öňe sürülýändigini ýazýar.
Katarda çap edilýän Al Raýa Al Katariýa gazeti, Prezident R. T. Erdoganyň, “Müsüriň agdarlan lideri Muhammed Mursiniň ýogalmagy meselesinde Müsürli ýolbaşçylardan halkara derejesinde hasap sorarys” diýen sözlerine ýer berýär.
Liwanda çap edilýän Al Haýat gazeti, dünýäde 2018-nji ýylda öýüni terk edenlerin sanynyň 71 milliona çenli baryp ýetendigini belleýär.
Ispaniýada çap edilýän El Pais gazeti, Sançesiň ýolbaşçylygyndaky hökümetiň Brýusselden gelen işsizlik meselesi we klimat syýasatlary sebäpli bölünip berlen bujetiň artdyrylmagyny isleýändigine ünsi çekýär.
Ispaniýada çap edilýän El Mundo gazeti, Ispaniýanyň Premýer ministri Pedro Sançesiň ozalky premýer ministr Ražoý tarapyndan taýarlanan bujet maksatnamasyny 2020-njy ýyla çenli uzatmagy meýilleşdirýändigini nygtaýar.
Rus Regnum gullugy, Russiýada, ýol düzgünini bozan sürüjiler üçin täze jezalaryň beriljekdigini ýazýar.
Izwestiýa gazeti, Ukrainaly syýasatçynyň, Prezident Wladimir Zelenskiniň Ýewropa guran saparyny “masgaraçylyk” hökmünde häsiýetlendirendigini belleýär.
Izwestiýa. ru: Russiýanyň Daşary işler ministriniň orunbasarynyň, ABŞ-ny Ýakyn Gündogarda ünsleri özüne çekmekde günäkärländigini mälim edýär.
Fransiýada çap edilýän Le Figaro gazeti, Belgiýanyň, uýgur maşgalany Hytaýyň howpsyzlyk güýçlerine bermekde günäkärlenýändigini nygtaýar.
Şweýsariýada çap edilýän Le Temps gazeti Eýranyň, ABŞ-na degişli uçarmansyz howa ulagyny urup düşürendigini öňe sürýär.
Fransiýada çap edilýän Liberation gazeti Müsürli Musulman doganlar guramasynyň taryhynyň iň agyr günlerini başdan geçirýändigini ýatladýar.
