Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde giň seslenme döredýär
Germaniýanyň DW kanaly, nemes awiasiýa firmasy Lufthansanyň üstümizdäki ýylyň birinji çärýeginde soňky üç ýyldan bäri ilkinji gezek ýitgi çekendigini habar berýär.
Sueddeutsjhe.de. Germaniýanyň Daşary işler ministri Heioko Maasyň Şri-Lankada guralan terrorçylykly hüjümleri ýazgarandygyny mälim edýär
ARD kanaly bolsa Türkiýede oppozisiýadaky Respublikan halk partiýasynyň başlygy Kemal Kylyçdaroglynyň paýtagt Ankarada hüjüme sezewar bolandygyny aýan edýär
Saud Arabystanynda iňlis dilinde çap edilýän Alşarg Alawsat gazeti, “Şri-Lankada Paska gyrgynçylygy” söz başylygy habarynda, Şri-Lankada Paska baýramçylygynyň çäginde geçirlen dabaralarda buthanalara we myhmanhanalara 8 hüjümiň ýogalandygyny, hjümlerde ýüzlerçe adamyň ýogalandygyny we ýaralanandygyny ýazýar.
Fransiýada çap edilýan Le Parisien gazeti, Renault Nissan firmasynyň ozalky ýolbaşçysy Karlos Ghos hakynda Ýaponiýada ýaňadandan kazyýet işiniň gozgalandygyny belleýär.
Belgiýada çap edilýän Le Soir gazeti, Şri-Lankada guralan hüjümlerde ýogalanlaryň sanynyň 290 adama ýetendigini, hüjümler bilen arabaglanşykly 24 adamyň saklanandygyny okyjylarynyň dykgatyna ýetirýär.
Şwesiýada çap edilýän Le Temps gazeti, Ukrainada geçirlen prezident saýlawynda satirik Wladimir Zelenskiniň üstünlik gazanandygyny mälim edýär.
Ispaniýada çap edilýän El Pais gazeti Şir-Lankada buthanalara we myhmanhanalara guralan hüjümlerde 290 adamyň ýogalandygyny, 500-e golaý adamyň ýaralanandygyny belleýär.
Ispaniýada çap edilýän La Wanguardia gazeti, ABŞ-nyň ýokary wekiliniň migrantlar meselesini ara alyp maslahatlaşmak üçin Gondurasa barandygyny nygtaýar.
Al Najional, Papa Fransiskiň Paska baýramynda Wenesuela üçin doga edendigini mälim edýär.
Rus İzwestiýa gazeti, Ukrainada geçirlen prezident saýlawynyň ikinji tapgyrynda dalaşgärlerden Zelenskinyň sesleriň 73,15 göterimini alyp saýlawyň ýenijisi bolandygyny okyjylarynyň dykgatyna ýetirýär.
Rus RIA Nowosti habarlar gullugy, Russiýanyň ABŞ-nyň howa giňişliginde gözegçilik uçuşyny amala aşyrandygyny belleýär.
Rus TASS habarlar gullugy, Russiýa bilen Ýaponiýanyň Kuril adalary meselesiniň özara bähbide laýyklykda çözülmegi üçin tagalla edýändigini ýazýar.
