Daşary ýurt metbugatyna syn
Daşary ýurt köpçülikleýin habar beriş serişdelerinde seslenme döreden Türkiýe bilen bagly habarlary dykgatyňyza ýetirýäris
Fransiýanyň “AFP” habarlar gullugy “Öldürilen ilçi… Erdogan Siriýa meselesi bilen birlikde hyzmatdaşlygy dowam etdirmek barada Putin bilen ylalaşdy” söz başyly habarynda, Türkiýäniň Prezidenti R.T.Erdoganyň Russiýanyň Türkiýedäki ilçisiniň janyna kast edilip öldürilendigine garamazdan Siriýa meselesi bilen birlikde rus kardeşi Wladimir Putin bilen hyzmatdaşlygyň dowam etdirilmegi barada ylalaşandyklaryny ýazýar. Habarda sişenbe güni Stambulda bogazyň aşagyndan gurlan awto magistralyň açylyş dabarasynda çykyş eden Erdoganyň: “Prezident Putin bilen Russiýa bilen dürli ugurlarlardaky hyzmatdaşlygymyz, esasanda Siriýa meselesinde şol bir garaýyşa eýe. Bu hüjüm hyzmatdaşlygymyzy zyýan ýetirmez. Russiýa bilen gatnaşyklarymyzyň bozulmagyna ýol bermeris” diýen sözlerine orun berilýär.
Russiýanyň “TASS” habarlar gullugy: “Bilelikdäki topar rus ilçisine guralan hüjümi derňemäge başlady” söz başyly habarynda, Stambulda Ýewraziýa tuneliniň açylyşynda çykyş eden Prezident Erdoganyň bilelikdäki rus-türk toparyň Ankarada Russiýanyň ilçisi Andreý Karlow jenaýaty boýunça işe başlandygyny nygtap: “Türkiýe bilen Russiýa bilelikde derňew toparyny döretdi. Rus hünärmenler geldi we işe girişdiler. Hiç kime Türkiýe-Russiýa gatnaşyklaryny bozmaga ýol bermeris” diýen sözlerini çap edýär.
Germaniýaynň “DPA” habarlar gullugy: “Russiýa, Türkiýe we Eýran Siriýada hyzmatdaşlygy giňeldýär” söz başyly habarynda, Russiýanyň Türkiýedäki ilçisiniň Ankarada öldürilmeginden birnäçe sagat soň Russiýanyň, Türkiýäniň we Eýranyň Siriýa urşunda ýakyn hyzmatdaşlyk etmek barada ylalaşandyklaryny mälim edýär. Habarda Moskwada kardeşleri bilen duşuşandan soň Russiýanyň Daşary işler ministri Sergeý Lawrowyň üç ýurduň Siriýanyň hökümeti bilen oppozisiýanyň arasynda ylalaşyk gazanylmagy üçin töwellaçylyk we hemaýatkärlik etmäge taýardygyny beýan edendigini ýazýar. Russiýanyň Goranmak ministri Sergeý Şoýgu bolsa sişenbe güni Türkiýäniň we Eýranyň goranmak ministrleri bilen duşuşypdy.
ABŞ-nyň “AP” habarlar gullugy “Türkiýe boğazdan täze awto magistral tunelini çekdi” söz başyly habarynda, türk ýolbaşçylarynyň Stambulyň Ýewropa we Aziýa kenarlaryny birleşdirýän deňiz asty awto magistral tunelini açandygyny ýazýar. Habarda Bosfor boğazynyň aşağyndan çekilen Ýewraziýa tuneliniň Russiýanyň Türkiýedäki ilçisiniň öldürilmeginden 1 gün soň açylandygyny, Prezident Erdoganyň açylyşy yza süýşürmezligiň sebäbini “terrora jogap” hökmünde beýan edendigi nygtalýar.
