Daşary ýurt metbugatyna syn 16.07.2014
Türkiýe bilen baglanşykly habarlar daşary ýurt metbugat organlarynda giňişleýin ýer alýar
Hytaýyň resmi habarlar gullugy “Şinhua” Preziden Abdulla Gülüň Çankaýa köşgünde Hytaýyň täze baş ilçisini kabul edendigini habar berdi
Habarda Hytaýyň Türkiýedäki Adatdan daşary we Doly ygtyýarly baş ilçisi Ýü Hongýanyň Prezident Abdulla Güle ynanç hatyny gowşurandygy nygtalýar.
Habarda Hytaýyň täze baş ilçisiniň Hytaý bilen birlikde iki ýurduň arasyndaky strategik hyzmatdaşlygyň pugtalandyrylmagyna goşant goşmaga taýardygyna aýratyn ünsi çekendigi bellenildi.
İspaniýada çap edilýän “La Wanguardia” gazeti Premýer ministr Erdoganyň awgust aýynda geçiriljek prezident saýlawlarynda üstünlik gazanan halatynda ýurdy üçin täze konstitutsiýanyň taýarlanmagyna uly ähmiýet berjekdigi hakyndaky sözlerini okyjylarynyň dykgatyna ýetirdi.
Gazet Premýer ministr Erdoganyň “Täze konstitutsiýa meýilnamamyzda esasy orun eýelär. Çünki täze konstitutsiýa täze geljek diýmek” diýen sözlerini ýatladýar.
Özbegistanyň Milli Habarlar gullugy “UZA” Daşary işler ministri Ahmet Dawutoglynyň Özbegistana guran resmi saparynyň çäginde Prezident İslam Kerimow tarapyndan kabul edilendigini aýan etdi.
Habarda iki ýurduň söwda gatnaşyklary bilen birlikde medeni we sosial taýdan edilýän gatnaşykalryň ösdürilmegine hem uly ähmiýet berýändikleri nygtaldy.
Awstriýada çap edilýän “Salzburger Naçriçten gazeti Ýewropa howa Ýollary bileleşiginiň başlygy we Türk Howa ýollarynyň JEO-sy Temel Kotiliň uzak möhletde Aziýadaky we Ýewropadaky howa ýoly gatnawynda uly ösüşleriň ediljekdigi hakyndaky sözlerini okyjylarynyň dykgatyna ýetirýär.
Stambulda 2018-nji ýyldan soň dünýäniň iň ulusy boljak täze howa menziliniň gurulýandygyny ýazýan gazet, Temel Kotiliň “Biz hem Ýewropa hem-de Aziýa degişlidiris. Ýakyn Gündogardaky we Aziýadaky howa ýoly firmalary bilen birlikde biziň hem bazar paýymyz artýar. Şol bir wagtda ýolagçy sany hem Aziýada hem-de Ýewropada ýokarlamaga dowam edýär” diýen sözlerine ýer berýär.
Ýaponiýada çap edilýän “Ýomiuri Şimbun” gazeti Türkiýäniň Ykdysadyýet ministri Nihat Zeýbekçi bilen Ýaponiýanyň Ykdysadyýet, Söwda we Senagat ministri Moteginiň Stambulda duşuşandygyny ýazýar.
Gazet iki ministriň “Ykdysady hyzmatdaşlyk şertnamasy” bilen baglanşykly gepleşikleriň ilkinji maslahatynyň üstümizdäki ýylyň ahyryna çenli geçirilmegi hakynda ylalaşyk gazanandygyny nygtaýar.
