گالاتاسارای ۳-۲ مولده
یوفا شامپیونلار لیگی پلی آف تورو ایلک اویونوندا تورکلرین نمایندهسی گالاتاسارای، نروژ تیمی مولدهنی رقیب ائوینده سون دقیقهده ووردوغو گوللا ۳-۲ مغلوب ائتدی
گالاتاسارای ۹۰+۳ده غلبه چالدی.
یوفا شامپیونلار لیگی پلی آف تورو ایلک اویونوندا تورکلرین نمایندهسی گالاتاسارای، نروژ تیمی مولدهنی رقیب ائوینده سون دقیقهده ووردوغو گوللا ۳-۲ مغلوب ائتدی و تور اوچون اوستونلوگو یاخالادی.
ائو صاحبی مولده، اویونا سرعتلی باشلایان طرف اولدو. ۶.جی دقیقهده کرنر ووروشوندا یاخشی یوکسهلهن ائلینسن، رقیبین ایلک گولونو ووردو.
گالاتاسارای، ۲۵.جی دقیقهده سرجیو اولیوئیرانین ووردوغو گوللا برابرلیگی یاخالادی و ۲۹.جو دقیقهده مائورو ایکاردی ایله ۲-۱ اؤنه گئچمهیی باجاردی.
گالاتاسارای ۴۳.جو دقیقهده یونوس آکگون ایله ۳.جو گولو ووردو آنجاق وار آراشدیرماسینا ایلیشدی و گول لغو ائدیلدی.
ایکینجی یارییا دا سرعتلی باشلایان طرف مولده، ۵۶.جی دقیقهده هاوگن ایله ۲-۲ برابرلیگی یاخالادی.
قارشیلاشمادا گالاتاسارایی غالیبیته داشییان گول، ۹۰+۳.جو دقیقهده میدزودان گلدی و اویون بو حسابلا سونا چاتدی.
ایلگیلیلی خبرلر
بو گون کنفرانس لیگینین غالیبی بللی اولاجاق
بو گون یوفا آوروپا کنفرانس لیگینده 2023-2024-جو ایللر مؤوسومونون غالیبی بللی اولاجاق.