شامپیون گالاتاسارای اولدو

تۆرکیه سوپر لیگده ۲۰۲۳-۲۰۲۴ مؤوسومو تاماملاندی.

رقیب ائوینذه قونیااسپورو ۳-۱ مغلوب ائد‌ن گالاتاسارای شامپیون اولدو.

گالاتاسارای ۱۰۲ پوئن ایله لیگده ۲۴.جو دفعه شامپیونلوغون سئوینجینی یاشادی.

اؤز ائوینده ایستانبول اسپورو ۶-۰ مغلوب ائد‌ن فنرباخچا ایسه ۹۹ پوئنله لیگی ایکینجی سیرادا تاماملادی.

سوپر لیگدن دۆشه‌ن ۴.جو و سون تیم ایسه آنکاراگوجو اولدو.

ایستانبول اسپور، فاتح قاراگومروک و پندیک اسپورون آردیندان، رقیب ائوینده ترابزون اسپورا ۴-۲ مغلوب اولان آنکاراگوجو ده لیگدن دۆشدو.

گلن مؤوسوم تورکیه‌نی آوروپادا ۵ تیم تمثیل ائد‌جک.

گالاتاسارای ایله ایکینجی فنرباخچا یوفا شامپیونلار لیگینه اله‌مه‌لردن قاتیلاجاق.

اوچونجو سیرادا لیگی تاماملایان ترابزون اسپور ایله زراعت تورکیه کاپی شامپیونو بئشیکتاش، یوفا آوروپا لیگینده اوینایاجاق.

لیگی ۴.جو سیرادا بیتیره‌ن باشاک‌شهیر ایسه یوفا آوروپا کنفرانس لیگینده تورکیه‌نی تمثیل ائد‌جک.