قیزیل آیاققابی مسینین
مسیه، ایدمان حیاتینداکی ۵.جی "قیزیل آیاققابی" اؤدولو وئریلدی
ایسپانیانین بارسلونا تیمینده اوینایان آرژانتینلی فوتبالچی لیونل مسی، ۲۰۱۷-۲۰۱۸ مؤوسوموندهکی ۳۴ گلویلا آوروپا لیگلرینین ان چوخ گل ووران فوتبالچیسی اولاراق قازاندیغی "قیزیل آیاققابی" اؤدولونو آلدی.
بارسلونا شهرینده تشکیل اولونان اؤدول مراسیمینده مسیه، ایدمان حیاتینداکی ۵.جی "قیزیل آیاققابی" اؤدولو وئریلدی.
مسی، بورادا ائتدیگی دانیشمادا، "فوتبالا باشلایاندا بونلارین هئچ بیریسینی گؤزلهمیردیم. منیم دوشوم، حرفهای فوتبالچی اولماق و فوتبالدا اوغورلو اولماقدی" دئدی.
آرژانتینلی ۳۱ یاشلی فوتبالچی، "دونیانین ان یاخشی تیمیندهیم. میدانداکی تیم یولداشلاریم مؤقعیتلرینین دونیادا ان یاخشیلاری. بو هر شئیی داها دا آسانلاشدیریر و بو تیپ اؤدوللری آلماغی تامین ائدیر. تیمده یولداشلاریملا بیرلیکده فوتبالین هر آنیندان بؤیوک ذؤوق آلیرام" دئیه دانیشدی.