تورکیهده توریزم- ۱۹
آدینی عشق و گوزللیک تانریچاسی آفرودیتدن آلان بیر آنتیک شهر: آفرودیسیاس
آدینی عشق و گوزللیک تانریچاسی آفرودیتدن آلان بیر آنتیک شهر: آفرودیسیاس آنتیک شهری.
روما ایمپراتورو آوگوستوس طرفیندن «بوتون آسیادا اؤزومه بو شهری سئچدیم» سؤزلریله بیرینجی یوزایلده قوروما آلتینا آلینمیش.
گونوموزه اولدوقجا ساغلام بیر شکیلده اولاشمیش یاپیلارییلا آفرودیسیاس آنتیک شهری، آنادولوداکی اؤنملی آرکئولوژیک آلانلاردان بیری.
تورکییهنین ائگه بؤلگهسینده، آیدین ائلی قاراجاسو ائلچهسینده، دنیزدن یاخلاشیق ۶۰۰ متر یوکسکلیکدهکی بیر یایلادا یئر آلیر. تاریخ بویونجا، اوچونده اولدوغو جغرافیانین دوغال اؤزللیکلریندن بسلنن شهرین ان بویوک زنگینلیک قایناغینی ایسه یاخینینداکی مرمر معدنلری اولوشدورموش.
یئرلشیم تاریخی میلاددان اؤنجه ۵۰۰۰لی ایللره قدر اوزانان آفرودیسیاس، میلاددان اؤنجه ۲.جی یوزایلده شهر دؤولتی ایستاتوسو قازانمیش. روما ایمپراتورو آوگوستوس طرفیندان قوروما آلتینا آلیندیقدان سونرا، وئرگی معافیتی و اؤزارکلیک کیمی آیریجالیقلار تانیناراق سرعتله گلیشمهیه باشلامیش. آردیندان کاریا ایالتینین باشکندی اولموش. بیزانس دؤنمینده سیاسی، دینی و ائکونومیک سیخینتیلار ندنی ایله اؤنمینی ایتیرمهیه باشلامیش. ۷.جی یوزایلده گئچیردیگی دئپرم سونراسی دا بیر داها اینشا ائدیلمهمیش؛ زامانلا کیچک بیر قصبهیه دؤنوشن آفرودیسیاس، اون ایکینجی یوزایلده تاماماَ ترک ائدیلمیش.
آفرودیسیاسدا یئر آلان مرمر یاپیلارین، هیکللرین، قابارتما و یازیدلارین گونوموزه یاخشی قوروناراق اولاشماسی، آنتیک شهرین آرکئولوژیک آچیدان اؤنمینی داها دا آرتیریر.
شهرین یاخینلارینداکی مرمر اوجاقلارینین زنگینلیگی، هیکل صنعتی آلانیندا یوکسک کیفیتده بیر مرکز حالینا گلمهسینی ساغلامیش. اؤزللیکله بیرینجی و اوچونجو یوزایللر آراسیندا، شهردهکی هیکل تراشلیق اوخولو اۆن قازانمیش؛ آغدنیز چئورهسینده تانینان و چوخ اؤنملی اثره ایمضا آتان اونلارجا هیکلتراش بو شهرده یئتیشمیش. هیکل آلانینداکی بو اؤندرلیک زامانلا «آفرودیسیاس استیلی» آدی وئریلن بیر مکتبی اورتایا چیخمیش.
آنتیک چاغین اؤنده گلن معمارلیق، صنعت و دین مرکزلریندن اولان آفرودیسیاسین ان اؤنملی یاپیسی اولان آفرودیت تاپیناغی، ایلک کز آسورلولار طرفیندن، عشق و گوزللیک تانریچاسی ایشتار اوچون اینشا ائدیلمیش. ۱.جی یوزایلده رومالیلار طرفیندان آفرودیت آدینا یئنیدن یاپیلمیش.
آفرودیت تاپیناغی، بئشینجی یوزایلین سونوندا، شهره خیریستیانلیغین حاکم اولماسییلا بویوک بیر کیلیسهیه دؤنوشدورولموش و اسکی تاپیناغین ایزلری تاماماَ سیلینمیش.
سباستیون تاپیناغی، هادریان حامامی، اسپور و ائگیتیم آماجییلا قوللانیلان بیر یاپی، سویون کنترولو اوچون یاپیلان حووض؛ شهرین قابارتمالار و هیکللرله بزنمیش اؤنملی یاپیلاری…
توپلانما و پازار یئری اولاراکق قوللانیلان ۸ مین نفرلیک آگورادا، روما ایمپراتورو دیوکلتیانوسون مرمر اوزرینه یازدیریب دووارا آسدیردیغی قیمت لیستهلری وار. بو لیسته، شهرین ائکونومیسینی گؤسترن ان اؤنملی تاپینتی اولاراق گؤرولویور.
آفرودیسیاس ایستادیومو، آنتیک دونیانین ان یاخشی قورونموش ایستادیوملاریندان بیری اولاراق بیلینیر؛ ۳۰ مین ایزلهییجی ظرفیتی وار… آنتیک تاتر ایسه آنادولونون ان اسکی اوچ قاتلی صحنهسینه صاحب.
شهرین، یوزلرجه ایل اؤنجه اینشا ائدیلمهسینه باخمایاراق هله ده آیاقدا اولان آنیدسال قاپیسی، معماریسی و مرمر اویمالارییلا گؤرنلئی حیران ائدیر.
آفرودیسیاس آنتیک شهری، بؤلگهده یئر آلان آنتیک مرمر اوجاقلاری/معدنلری ایله بیرلیکده ۲۰۱۷ ایلینده یونسکو دونیا میراث لیستهسینه آلیندی.
آفرودیسیاسی گؤرمک اوزره آیدینا گئدرسنیز، دیدیمدهکی آپوللون تاپیناغینی گؤرمهدن، یئنه دیدیمین ائشسیز گوزللیکدهکی پلاژلاریندا دنیزه گیرمهدن، ائگه/اژه یؤرهسینه اؤزگو/خاص نفیس زیتونیاغلی یئمکلرین دادینا باخمادان دؤنمهیین.
ایلگیلیلی خبرلر
اورتا آسیا جمهوریتلرینین گوندمیندهکی گلیشمهلر
دونیانین اؤنده گلن اؤلکهلری اورتا آسیا جمهوریتلرینی بیر بوتون اولاراق گؤرمهیه باشلادیلار
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی