تورکیهدن ایسرائیله سویقیریم تپکیسی
"آشیریچی ایسرائیل حکومتینین سویقیریم سیاستلری، آرتیق هم فیلیسطینلیلره هم ده ایسرائیللیلره قارشی بیر تهدید حالینا گلمیشدیر"
تورکیه، "آشیریلیق یانلیسی ایسرائیل حکومتینین سویقیریم سیاستلرینین" آرتیق هم فیلیسطینلیلره هم ده ایسرائیللیلره قارشی بیر تهدید حالینا گلدیگینی بیلدیردی.
خاریجی ایشلر باخانلیغی، ایسرائیل خاریجی ایشلر باخانی یسرائیل کاتسین سوسیال مئدیا پایلاشیمینا باغلی یازیلی آچیقلاما وئردی.
آچیقلامادا، "جمهورباشقانی(رجب طیب) اردوغان، ایسرائیلین فیلیسطینلیلره قارشی ایشلهدیگی باغیشلانماز سوچلاری جسورجا قیناییر. تورکیه، ایسرائیلین تؤرهتدیگی قیرغینی سونا چاتدیرماق اوچون دورمادان چابا گؤستریر، ایسرائیلین اولوسلارآراسی توپلو طرفیندن تجرید ائدیلمهسی یولوندا قرارلی آددیملار آتیر.
بعضی ایسرائیللی سیاستچیلرین، تورکیهنی و جمهورباشقانی اردوغانی اساسسیز ادعالارلا، سایغیسیز شکیلده هدف آلماسینین گئرچک سببی بودور. آشیریچی ایسرائیل حکومتینین سویقیریم سیاستلری، آرتیق هم فیلیسطینلیلره هم ده ایسرائیللیلره قارشی بیر تهدید حالینا گلمیشدیر" ایفادهلری ایشلهدیلدی.
تورکیهنین، ایسرائیلین فیلیسطینلیلره قارشی تطبیق ائتدیگی عیرقچی و عدالتسیز سیاستلری گوندمه داشیماغا داوام ائدجگی یازیلان آچیقلامادا، فیلیسطینلیلر اؤز اؤلکهلرینده، اؤز دؤولتلرینه صاحب اولانا قدر تورکیهنین بو حاقلی دعوینی ساووناجاغی وورغولاندی.
ایسرائیل خاریجی ایشلر باخانی کاتس، جمهورباشقانی اردوغانین ایسرائیل باشباخانی بنیامین نتانیاهویا باغلی سؤزلرینی پایلاشاراق بؤهتانلار آتمیشدی.
ایلگیلیلی خبرلر
ایستانبول هاوالیمانی ذیروهدکی یئرینی قورویور
آوروپا هاوا سیر و سفر گوونلیگی تشکیلاتینین ۱۳-۱۹ میه باغلی "آوروپا هاواچیلیق راپورو" یاییملاندی