اردوغان: نتانیاهو، هیتلر کیمی لعنتله خاطیرلاناجاق
اردوغان، ایسرائیلین غزه‌ده گوونلی بؤلگه اولاراق بیلدیردیگی رفحده‌کی سیغینماچی دوشرگه‌سینه قارشی موشکلی سالدیریسینا چوخ سرت تپکی وئردی
جمهورباشقانی رجب طیب اردوغان، (غزه‌ده قیرغینلارینی داوام ائتدیره‌ن) ایسرائیل رهبرلیگینین، هیتلر کیمی لعنتله خاطیرلاناجاغینی سؤیله‌دی.
جمهورباشقانی اردوغان، ایستانبولدا تشکیل ائدیله‌ن "تورکیه عصری آنایاساسی سیویل آنایاسا گوجلو تورکیه" سمپوزیوموندا دانیشدی.
اردوغان، ایسرائیلین غزه‌ده گوونلی بؤلگه اولاراق بیلدیردیگی رفحده‌کی سیغینماچی دوشرگه‌سینه قارشی موشکلی سالدیریسینا چوخ سرت تپکی وئردی.
"بو قیرغین ترور دؤولتینین قلاش اۆزونو بیر دفعه داها ایفشا ائتدی" ایفاده‌سینی ایشله‌دن اردوغان،
"ایسرائیل باشباخانی بنیامین نتانیاهو، اؤلکه‌سینده یاخشیجا کۆنجه سیخیشماقدادیر. داها چوخ قانلا سیاسی عؤمورونو اوزادابیلمز. عینی ایله اؤزه‌ندیگی هیتلر (۱۸۸۹-۱۹۴۵) کیمی لعنتله آنیلاماقدان قورتولابیلمه‌یه‌جکلر" دئدی.
"بو قاتیللردن حساب سوروشولماسی اوچون اللریندن گلن هر شئی ائد‌جکلرینی" ایفاده ائد‌ن اردوغان،
"ربیم غزه‌لی قارداشلاریمیزین کؤمگی اولسون" دئیه دانیشدی.
ایسرائیل اوردوسونون، غزه یولاغیندا‌کی رفح شهرینده یئریندن ائدیله‌ن فیلیسطینلیلرین چادیرلارینا تشکیل ائتدیگی سالدیریدا، ایلک بیلگیلره گؤره ۴۰ فیلیسطینلی حیاتینی ایتیرمیشدی.
