هاکان فیدان: "غزه-ده وحشیلیگین یاخین زاماندا دایاندیریلماسی واجیبدیر"
برزیلیانین ائو صاحیبلیگی ایله ریو دو ژانیرو-دا گ20 اؤلکهلرینین خاریجی ایشلر ناظیرلرینین توپلانتیسی باشلاییب.
![هاکان فیدان: "غزه-ده وحشیلیگین یاخین زاماندا دایاندیریلماسی واجیبدیر"](http://cdn.trt.net.tr/images/xlarge/rectangle/5934/7f8c/7844/65c612b7de7e8.jpg?time=1719335796)
برزیلیانین ائو صاحیبلیگی ایله ریو دو ژانیرو-دا گ20 اؤلکهلرینین خاریجی ایشلر ناظیرلرینین توپلانتیسی باشلاییب.
ایجلاسدا اوکرایناداکی حادثهلر، ایسراییلین غزه هوجوملاری، قلوبال گرگینلیک، چوخ طرفلی تشکیلاتلارین گوجلندیریلمهسی، ایقلیم دییشیکلیگی ایله موباریزه، یوخسوللوغون آزالدیلماسی و قلوبال ایدارچیلیک مکانیزملرینده اصلاحاتلار موذاکیره ائدیلیر.
خاریجی ایشلر ناظیری هاکان فیدان تدبیرین ایلک ایجلاسینداکی چیخیشیندا غزه-ده وحشیلیگین یاخین زاماندا دایاندیریلماسینین واجیبلیگینی وورغولایاراق، اولوسلار آراسی توپلومو و گ20 اؤلکهلرینی آتشکس و ایکی دؤولتلی حل اوچون داها فعال رول اویناماغا چاغیریب.
"داوام ائدن اولوسلار آراسی گرگینلیکلرده گ20-نین رولو" آدلی اوتورومدا ایشتیراکچیلارا مراجعت ائدن فیدان روسیا-اوکراینا محاربهسینین ایکینجی ایلینین آرخادا قالدیغینی خاطیرلاداراق، تورکیه-نین طرفلرین دیپلماسییه اوز توتاراق موذاکیره ائدیلمیش حلی تاپاجاقلارینا اومید ائتدیگینی و بونونلا باغلی تشببوسلرینی داوام ائتدیرجگینی بیلدیریب.
اولوسلار آراسی توپلومو قلوبال برابرسیزلیک و عدالتسیزلیک، اقتصادی ضعیفلیکلر، اکولوژی پروبلئملر و صونعی ذکا کیمی یئنیلیکچی تکنولوژلرین گتیردیگی بیر چوخ پروبلئمله اوزلشدیگینی بیلدیرن فیدان قلوبال دیپلماسی و گ20-نین بوتون بحران ساحهلرینده بیرگه تشببوسلر اینکیشاف ائتدیرمهسینین اهمیتینه دقت چکیب.
خاطیرلاداق کی، دونیانین 20 ان بؤیوک اقتصادیاتینی بیر آرایا گتیرن گ20 لیدرلر ایجلاسینی نوامبر آییندا ریو دو ژانیرو-دا کئچیریلهجک.