فیدان صاباح لهستانا سفر ائد‌جک

تورکیه خاریجی ایشلر ناظیری تورکیه-رومانی- لهستان اوچلو امکداش‌لیق پروسه‌سی چرچیوه‌سین‌ده صاباح لهستان سفر ائد‌جک.

2155767
فیدان صاباح لهستانا سفر ائد‌جک

 

تورکیه خاریجی ایشلری ناظیر هاکان فیدان تورکیه-رومانی- لهستان اوچلو امکداش‌لیق پروسه‌سی خاریجی ایشلر ناظیرلری توپلانتی‌سی چرچیوه‌سین‌ده صاباح لهستان سفر ائد‌جک.

 

ایونون 26 سیندا پایتاخت ورشودا کئچیریله‌جک ایجلاس‌دا اوچ اؤلکه آراسین‌دا علاقه‌لرین داها دا اینکیشاف ائتدیریلمه‌سی اوچون آتیلابیله‌جک آددیملار، 9-11 ایول تاریخلرین‌ده آمریکانین پایتاختی واشینگتون‌دا کئچیریله‌جک ناتو دؤولت و حکومت باشچیلاری توپلانتیسیندا حاضیرلیق و ناتو سرحدلری خاریجین‌ده تهلوکه‌سیزلیک پروبلئملری موذاکیره اولوناجاق.

گؤروشمه‌ده روسیه-اوکراین محاربه‌سی و ایسرائیلین غزه‌یه هوجوملاری ایله باغلی فیکیر موبادیله‌سی آپاریلاجاغی دا گؤزلنیلیر.

اوچ اؤلکه آراسین‌دا "سیاسی-نیظامی" مصلحتلشمه مکانیزمی رومانی‌نین تکلیفی ایله 2012 نجی ایلده یارادیلیب و خاریجی ایشلر ناظیرلری سوییه‌سین‌ده ایلک مصلحتلشمه 2016 نجی ایلده ورشودا کئچیریلیب.

تورکیه 27 مای 2022 نجی ایلده سون اوچطرف‌لی خاریجی ایشلر ناظیرلری توپلانتی‌سینا ائو صاحب‌لیگی ائتدی



ایلگیلی‌لی خبرلر