چاووش‌اوغلو، ایل سونو دگرلندیرمه توپلانتیسیندا دانیشدی
"آرخانا آلماغا چالیشدیقلارینا گووه‌نه‌رک یالانچی قهرمانلیق آردینجا گئتمه. ماجرایا آتیلما. سونو سیزین اوچون یاخشی اولماز"
خاریجی ایشلر باخانی مؤولود چاووش‌اوغلو، یونانیستانین اژه دنیزین‌ده‌کی بیر میل بئله یورد سویو گئنیشلتمه‌سینه ایجازه وئرمه‌یه‌جکلرینی بیلدیردی.
باخان چاووش‌اوغلو باشکند آنکارادا گئرچکلشدیردیگی گله‌نکسل ایل سونو دگرلندیرمه توپلانتیسیندا، ایلین اولینده یونانیستان ایله دیالوگ کاناللارینی ایشلتمه‌یه چالیشدیقلارینی، مصلحتلشمه گؤروشمه‌لرینین ۶۴.جوسونو فوریه‌ده گئرچکلشدیکلرینی بیلدیردی.
چاووش‌اوغلو، داها سونرا یونانیستانین باشباخانی کیریاکوس میچوتاکیسین تورکیه‌یه قارشی کامپین باشلاتماسی، اژه‌ده‌کی تحریکلر، سوی‌قیریم ادعالاری و باتی تراکیا تورکلرینه قارشی باسقیلار ندنی ایله بو دیالوگو دایاندیردیقلارینی ایضاح ائتدی.
سون گونلرده یونان مطبوعاتینداکی اؤزللیکله گریت‌ین چئوره‌سینده یورد سولارینین ۱۲ میله چیخاردیلاجاغینا دایر خبرلره ده توخونان چاووش‌اوغلو،
"۱۲ یوخ، اژه‌ده ۱ میل بئله یورد سویو گئنیشله‌مه‌سینه ایجازه وئرمریک. مجلیسیمیزین بو قونودا ۱۹۹۵.جی ایلده قبول ائتدیگی قرار آچیقدیر و هله ده قوه‌ده‌دیر. یونانیستانی بیر داها اویاریریق: آرخانا آلماغا چالیشدیقلارینا گووه‌نه‌رک یالانچی قهرمانلیق آردینجا گئتمه. ماجرایا آتیلما. سونو سیزین اوچون یاخشی اولماز" دئدی.
ترورلا موباریزه‌نین تورکیه‌نین گوندمین‌ده‌کی ان اؤنملی مسئله‌لردن بیری اولدوغونو دئیه‌ن چاووش‌اوغلو، بیرلشمیش میللتلر، آمریکا، روسیا، عراق و (سوریه‌ده‌کی) رژیمله تماسلارین داوام ائتدیگینی، میللی ساوونما باخانی حولوصی آکار و میللی استخبارات تشکیلاتی (میت) باشقانی حاکان فیدان دونن موسکوادا گؤروشمه‌لر گئچیردیکلرینی سؤیله‌دی.
اؤزونون ده روسیانین خاریجی ایشلر باخانی ئرگئی لاوروولا دا گؤروشه‌جگینی بیلدیرن چاووش‌اوغلو،
"بؤلگه‌ده یزیدیلرله، سوریانیلرله، کوردلرله، تۆرکمنلرله گؤروشوروک، هامی، ‘بیزی پ‌کاکادان قورتارین’ دئییر" ایفاده‌لرینی ایشلتدی.
فرانسانین باشکندی پاریس‌ده تؤره‌دیله‌ن سالدیریلارین، تروریستله قول قولا گیرمه‌نین قارشیلیغینی بیر داها گؤستردیگینی وورغولایان چاووش‌اوغلو:
"همیشه دئمیشیک: اودلا اوینامیان بیر گون اؤزونو ده یاندیرار. اومید ائدیریک کی، متفیقلریمیز بوندان درس چیخاراجاق و ترورلا موباریزه‌ده داها صمیمی داورانار" دئدی.
ایلگیلی‌لی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفاده‌لردن قاچینماسی حیاتی اؤنمه صاحبدیر"
