اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفاده‌لردن قاچینماسی حیاتی اؤنمه صاحبدیر"
جمهورباشقانی رجب طیب اردوغان، آوروپا بیرلیگینه "تورکیه ایله ایلیشکیلرینی عهده وفا اصلی چرچیوه‌سینده عدالتلی و نتیجه مرکزلی بیر یاناشیملا ایجرا ائتمه‌سی" چاغریسی ائتدی.
جمهورباشقانی اردوغان، آوروپا گونو سببی ایله مئساژ یاییملادی.
آوروپا بیرلیگینه تورکیه ایله ایلیشکیلرینی عهده وفا ایلکه‌سی چرچیوه‌سینده عدالتلی و نتیجه اوداقلی بیر یاناشیملا ایجرا ائتمه چاغریسی ائد‌ن اردوغان،
"آوروپا بیرلیگینین ایلیشکیلریمیزی چیخمازا آپاران سیاست و ایفاده‌لردن قاچینماسی حیاتی اؤنمه صاحبدیر" دئدی.
اردوغان،
"آوروپا بیرلیگینین کۆره‌سل گوج اولماسینا دا منفی معنادا تأثیر ائد‌ن اؤلکه‌میزه قارشی دیشلاییجی سیاستلر قارشیسیندا؛ تورکیه، صاحب اولدوغو استراتژیک ایمکان و قابیلیتلریندن ایستیفاده ائتمکدن و گلیشدیرمکدن گئری دورمایاجاق" ایفاده‌لرینی ایشلتدی.
آوروپا قاره‌سینده ایسلام دوشمنلیگی، خاریجی قارشیدلیغی و عیرقچیلیغین گئده‌رک آرتدیغینی و بونون قایغی قایناغی اولدوغونو وورغولایان اردوغان،
"آوروپادا تۆرک توپلومونا قارشی آیریمچیلیق و نیفرت سوچلاری، گوندن گونه عادی حالا گلمکده‌دیر" دئدی.
مئساژیندا فیلیسطینده یاشانان اینسانلیق درامینا دا توخونان جمهورباشقانی،
"غزه بحرانی باغلامیندا بعضی آوروپا قوروملارینین و اؤلکه‌لرینین ایزله‌دیگی سیاستلر آوروپا دگرلرینه دایر اینانجین سارسیلماسینا سبب اولموشدور" ایفاده‌سینی ایشلتدی.
