چاووشاوغلو: تۆرک دۆنیاسیندا یئنی فورصتلر اورتایا چیخدی
"تۆرک دۆنیاسینین اؤزونه اولان گۆونینین هر گئچن گون آرتدیغینی گؤروروک. قاراباغ ظفریندن سونرا بیر شئی اولسا ‘تۆرکیه بیزیم یانیمیزدا اولار’ آنلاییشی گۆجلهنیر"
خاریجی ایشلر باخانی مؤولود چاووشاوغلو، اولوسلارآراسی ایلیشکیلرین و گوندمین سرعتله دییشدیگینی بیان ائدرک، بو دییشیکلیکلرله آیاقلاشماغین لازیم اولدوغونو بیلدیردی.
ایستانبول تکنیک اونیوئرسیتهسینده گئچیریلهن کنفرانسدا دانیشان مؤولود چاووشاوغلو، گیریشیمچی و اینسانی خاریجی سیاستی اوچون میداندا و ماسا آرخاسیندا گوجلو اولماغین ضروری اولدوغونو، تۆرکیهنین خاریجی سیاستده "یورددا صلح، جهاندا صلح" پرینسیپینی منیمسهدیگینی بیلدیردی.
اولوسلارآراسی ایلیشکیلرین و گوندمین سرعتله دییشدیگینی وورغولایان چاووشاوغلو، بو دییشیکلیکلرله آیاقلاشماغین اؤنمینی دیله گتیردی.
آراچیلیقدا برند حالینا گلن تۆرکیهنین موختلیف جغرافیالاردا بو رولو اوزرینه گؤتوردویونو وورغولایان چاووشاوغلو، روسیا ایله اوکراینا آراسیندا تاخیل آنلاشماسی و اسیر موبادیلهسینین تۆرکیهنین آراچیلیغی سایهسینده اولدوغونو خاطیرلاتدی.
چاووشاوغلو، نقلیات و انرژی دهلیزلرینده باغلانتیلار قوردوقلارینی، مدرن ایپک یولونو یئنیدن برپا ائتدیکلرینی، اورتا دهلیزه فعاللیق قازاندیردیقلارینی دئدی.
قاراباغ ظفریندن سونرا تۆرک دۆنیاسیندا یئنی فورصتلر اورتایا چیخدیغینا دقت چکن چاووشاوغلو:
"تۆرک دۆنیاسینین اؤزونه اولان گۆونینین هر گئچن گون آرتدیغینی گؤروروک. قاراباغ ظفریندن سونرا بیر شئی اولسا ‘تۆرکیه بیزیم یانیمیزدا اولار’ آنلاییشی گۆجلهنیر" دگرلندیرمهسینی دیله گتیردی.