تورکیه-دن لوبنانا اینسانی یاردیم

تورکیه-دن لوبنانا 23 یوک ماشینی ایله اینسانی یاردیم داشییان گمی مرسین شهریندن مراسیمله یولا سالینیب.

والی‌لیکدن وئریلن معلوماتا گؤره، جمهور باشقانی رجب طیب اردوغانین گؤستریشی ایله طبیعی فلاکت و فوق العاده  حال‌لار آژانسی‌نین (آفاد) کووردیناسیونوندا حاضیرلانان 511،7 تون ارزاق محصولو داشییان 23 یوک ماشین‌لاری خیریه گمی‌سینه یوکلنمک اوچون تاش اوجو لیمانینا گلیب.

مرسین شهری والیسی معاوینی ایبراهیم کوچوک تشکیل ائدیلن مراسیمیندکی چیخیشیندا 4-جو گمی‌نین لوبنانا یاردیم کامپانیاسی چرچیوه‌سینده گؤندریلدیگینی بیلدیریب.

لوبنان-دا اینسان‌لارین احتیاج‌لارینی اؤدمکده چتین‌لیک چکدیک‌لرینی قئید ائدن کوچوک "یوکسک مرحمت دویغوسونا صاحیب تورک میللتی‌نین خوش گورولو و یاردیم سئورلیغی ایله بورا‌دان گؤندرجگیمیز یاردیم‌لارین لوبنان-داکی قارداش‌لاریمیزین احتیاج‌لارینا چاره اولاجاغینی اومید ائدیریک" دئییب.