"آنتونیو گوترش تورکیه‌یه سون درجه مینتدار"
"باش کاتیب، قارا دنیزده‌کی وضعیتین حلینه و باش کاتیبین چابالارینا دستک وئردیگی اوچون تورکیه‌یه سون درجه مینتداردیر"
بیرلشمیش میللتلر تشکیلاتی باش کاتیبی آنتونیو گوترش، روسیا-اوکراینا ساواشینداکی باریش گیریشیملری ندنی ایله تورکیه‌یه "سون درجه مینتدار" اولدوغونو بیلدیردی.
باش کاتیب سؤزچوسو استفان دوجاریک، اوکراینادان تاخیل صادراتی و قارا دنیزده‌کی مینلره دایر گیریشیملره وئردیگی دستگه گؤره تورکیه‌یه تشکور ائتدی.
"باش کاتیب، قارا دنیزده‌کی وضعیتین حلینه و باش کاتیبین چابالارینا دستک وئردیگی اوچون تورکیه‌یه سون درجه مینتداردیر" دئدی.
خاریجی ایشلر باخانی مؤولود چاووش‌اوغلو، تاخیل داشییان گمیلرین ساواش بؤلگه‌سیندن چیخاریلماسی و بونون اوچون ده اودئسا بؤلگه‌سینده اوکراینانین دنیزه یئرلشدیردیگی مینلرین تمیزله‌نمه‌سی قونوسوندا تورکیه‌نین، روسیا و اوکراینا آراسیندا اعتمادی آرتیران تدبیرلر گؤرولمه‌سینه کؤمک ائتمه‌یه چالیشدیغینی سؤیله‌دی.
چاووش‌اوغلو،
"بیرلشمیش میللتلرین بیر تکلیفی وار. بیرلشمیش میللتلرین، تورکیه، روسیا و اوکراینادان اولوشان دؤردلو بیر قروپون اولوشدورولماسی. بیز بونا اصولاً "اولور" دئدیک. تکنیک سویه‌ده بیر توپلانتی گئچیریلمه‌سی فیکری اورتایا چیخدی. بو مسئله ایله باغلی هله تام بیر آنلاشما الده اولونموش دئییل" دئدی.
