بیرلشمیش میللتلر تورکیهیه تشکر ائتدی
باش کاتیب سؤزچوسو استفان دوجاریک، آچیقلامالارین و سؤزلرین عمله چئوریلمهسینی و سلاحلارین سوسماسینی اومدوقلارینی دیله گتیردی
بیرلشمیش میللتلر تورکیهیه، اوکراینادا باریشین تامین ائدیلمهسی اوچون گؤستردیگی چابالار سببیله مینتدار اولدوغونو بیلدیردی.
بیرلشمیش میللتلر باش کاتیب سؤزچوسو استفان دوجاریک، گوندهلیک مطبوعات توپلانتیسیندا، روسیا-اوکراینا ساواشینین سونا چاتماسینا دایر گؤروشمهلری دستکلمهیی داوام ائتدیردیکلرینی و گؤروشمهلرین باشاریلی اولماسینی اومود ائتدیکلرینی سؤیلهدی.
دوجاریک، آچیقلامالارین و سؤزلرین عمله چئوریلمهسینی و سلاحلارین سوسماسینی اومدوقلارینی دیله گتیردی.
بیرلشمیش میللتلره گؤره روسیانین ۲۴ فوریهده اوکراینایا قارشی باشلاتدیغی ساواشین آردیندان ۴ میلیون نفر اؤلکهدن آیریلارکهن، ۶،۵ میلیون نفر ده اؤلکه ایچینده یئریندن ائدیلدی.
۱۳ میلیون نفرین ایسه چاتیشمالارین آراسیندا قالدیغی و بیر یئره ترپهنه بیلمهدیگی تخمین ائدیلیر.
بیرلشمیش میللتلر اوشاقلارا کؤمک صاندیغی - یونیسفه گؤره ایسه ساواش سببی ایله ۲ میلیون اوشاق سیغینماچی دورومونا دوشرکهن، ۲،۵ میلیوندان چوخ اوشاق دا اؤلکه ایچینده یئریندن اولدو.