'ارن قیش-۶' عملیاتی باشلادی
ارن قیش عملیاتلارینین، وطنداشلارین دستگی ایله "اینانجلی" و "قرارلی" شکیلده باشارییلا داوام ائتدیگی وورغولاندی
تونجائلیده بؤلوجو ترور هؤرگوتو پکاکایا قارشی 'ارن قیش-۶' عملیاتی باشلادیلدی.
ایچایشلری باخانلیغیندان وئریلهن آچیقلامادا، ترور هؤرگوتو پکاکانی اؤلکه گوندمیندن چیخارماق و بؤلگهده اولدوغو دگرلندیریلن ائتکیسیز حالا گتیرمک مقصدیله تونجائلیده "ارن قیش-۶ عملیاتی"نین باشلادیلدیغی قید ائدیلدی.
آچیقلامادا، یورد ایچینده ترورون تامامیله اورتادان قالدیریلماسی اوچون ایجرا ائدیلهن ارن قیش عملیاتلارینین، وطنداشلارین دستگی ایله "اینانجلی" و "قرارلی" شکیلده باشارییلا داوام ائتدیگی وورغولاندی.
ایچایشلری باخانی سلیمان سویلو،
"اولدوغوموز یئرلرده دینجلیک ایچریسینده، میللتیمیزین آرخایین بیر شکیلده حیاتینی داوام ائتدیرمهسینی تامین ائتمک اوچون گئجه گوندوز موباریزه ائدن، داغلاردا، چؤلده تروریست آرخاسیندا اولان دگرلی گوونلیک گوجلریمیز، ژاندارمامیز بو سحر اعتبارییلا ارن قیش-۶ عملیاتینا ۱۰۶۰ پرسنلی ایله باشلامیشدیر. عملیات، تونجائلیده مرجان داغلاری بؤلگهسینده گرچکلشدیریلهجک" ایفادهلرینی ایشلتدی.