تورک سلاحلی گوجلری افغانیستاندان آیریلیر
"تورک سلاحلی گوجلری اؤزونه وئریلن بو وظیفه‌نی ده باشارییلا یئرینه یئتیرمه‌نین غرورویلا، وطن تورپاغیمیزا گئری دؤنمکده‌دیر"
تورک سلاحلی گوجلری، افغانیستاندان آیریلیر.
ملی ساوونما باخانلیغی، "چئشیدلی گؤروشمه‌لر، مؤوجود وضعیت و شرطلر دگرلندیریله‌رک"، تورک سلاحلی گوجلری عنصورلارینین افغانیستاندان تخلیه‌سینه باشلاندیغینی بیلدیردی.
باخانلیغین آچیقلاماسیندا،
"تورک سلاحلی گوجلری اؤزونه وئریلن بو وظیفه‌نی ده باشارییلا یئرینه یئتیرمه‌نین غرورویلا، وطن تورپاغیمیزا گئری دؤنمکده‌دیر" دئییلدی.
تورکیه، افغانیستان‌داکی اولوسلارآؤاسی گوونلیک یاردیم گوجون‌ده (ایساف) وظیفه آلان عسگرلرینی ژوئن ۲۰۰۲ده بو اؤلکه‌یه گؤندرمیشدی.
مین ۴۰۰ عسگردن اولوشان تورک بیرلیگی ایچینده، کابل هاواآلانینی ایشلدیب قورویان هاوا گوجلری پرسنلی ده واردی.
طالبان، ۱۵ آگوست‌دا باشکند کابل‌دا دا کنترلو اله آلینجا، اؤلکه‌ده‌کی خاریجی عسگر، دیپلوماتیک نماینده‌لیکلر و مولکی وطنداشلارین بورادان آیریلیشی سرعت قازانمیشدی.
ایلگیلی‌لی خبرلر
8-جی تورکیه-آلمانیا اقتصادیات گونو کئچیریله‌جک
می‌ین 4-ده آلمانیانین دوسلدورف شهرینده 8-جی تورکیه-آلمانیا اقتصادیات گونو کئچیریله‌جک.
