تورکیه بؤیوک میللت مجلیسیندن فرانسایا قیناما
تورکیه بؤیوک میللت مجلیسی قراریندا، فرانسا میللی مجلیسی طرفیندن قبول ائدیله‌ن آسوریلر و کلدانیلره باغلی قرارین، حقوقی و تاریخی تملدن یوخسون، اؤن یارغیلارا دایانان بیر قرار اولدوغو سببی ایله، تأسفله و شدتله قیناندیغی بیلدیریلدی
تورکیه بؤیوک میللت مجلیسی باش قورولوندا، فرانسا میللی مجلیسینین آسوریلر و کلدانیلره باغلی قراری قیناندی.
تورکیه بؤیوک میللت مجلیسی قراری، بو گونکو رسمی قزئت‌ه یاییملاندی.
تورکیه بؤیوک میللت مجلیسی قراریندا، فرانسا میللی مجلیسی طرفیندن ۲۹ آوریل ۲۰۲۴ تاریخینده قبول ائدیله‌ن آسوریلر و کلدانیلره باغلی قرارین، حقوقی و تاریخی تملدن یوخسون، اؤن یارغیلارا دایانان بیر قرار اولدوغو سببی ایله، تأسفله و شدتله قیناندیغی بیلدیریلدی.
قراردا، "اؤز موستملکه‌چی و قانلی گئچمیشلری ایله گئرچک معنادا اۆزلشه‌بیلمه‌یه‌نلرین اؤلکه‌میزه قارشی خصمانه بیر توتوملا گونده‌مه گتیردیکلری اساسسیز ادعالارین بیر قارشیلیغی یوخدور. تاریخین سیاسی ندنلرله تحریف ائدیلمه‌سینی ان گوجلو شکیلده رد ائدیریک" دئییلدی.
قراردا، پارلمانلارین تاریخدن دوشمنلیک چیخارماق یئرینه، اؤلکه‌لر و خالقلار آراسیندا دوستلوق و امکداشلیغی گلیشدیرمه‌سی، مؤوجود و گله‌جک نسیللر اوچون داها باریشچیل بیر دونیا یاراتماغا چابا گؤسترمه‌سی لازیم اولدوغونون دۆشونولدوگو و باشقا اؤلکه‌لرین تاریخی قونوسوندا قرار آلمانین، باشقا خالقلاری یارغیلاماغا قالخمانین پارلمانلارین وظیفه‌سی اولمادیغی ایفاده ائدیلدی.
پارلمانلارین اؤزلرینی تاریخچیلرین و یارغیجلارین یئرینه قویابیلمه‌یه‌جگی ایفاده ائدیله‌ن قراردا، "بو گئرچکلری بیر دفعه داها خاطیرلاداراق، آرد نیتلی، حاقسیز و حقوقسوز بو قراری ان گوجلو شکیلده قیناییر، فرانسا میللی مجلیسی و دیگر مرجعلری، دوستلوق و متفیقلیک روحو ایله اولوسلارآراسی حقوقا اویغون شکیلده حرکت ائتمه‌یه دعوت ائدیریک" ایفاده‌لرینه یئر وئریلدی.
فرانسا میللی مجلیسی، ۲۹ آوریلده، فرانساحکومتینی، عثمانلی ایمپراتورلوغونون آسوری-کلدانیلره سؤزده "سوی‌قیریم" تطبیق ائتدیگینی رسمی اولاراق تانیمایا دعوت ائد‌ن بیر متنی قبول ائتمیشدی.
ایلگیلی‌لی خبرلر
جمهور باشقانی اردوغان و قاسیم جومرت توکایئو آراسیندا تلفون دانیشیغی اولوب
تورکیه پرزیدنتی رجب طیب اردوغان قازاخیستان پرزیدنتی قاسیم جومرت توکایئوله تلفون علاقه‌سی ساخلاییب.
