تورکیهلی دکترلار، غازی و شهید عایلهلری اوچون آذربایجانا گئدیر
پسیکولوژیک یاردیما احتیاجی اولان اینسانلارین تأثیرلی شکیلده توختادیلماسی اوچون تورکیهدن۲۰ متخصص پسیکولوگ آذربایجانا گئدیر
آذربایجان، داغلیق قاراباغ ساواشیندا غازیلر، شهید عائلهلری و ارمنیستانین سالدیریلاریندان ضرر چکمیش وطنداشلارا یاردیم ائتمهلری آماجی ایله تورکیهلی حکیملر ایله چالیشاجاق.
آذربایجان فؤوقالعاده حاللار باخانلیغی، آذربایجان اوردوسونون تورپاقلارینی قورتارماق اوچون باشلاتدیغی عملیاتدان سونرا بعضی غازیلرده، شهید یاخینلاریندا و سالدیریلارا معروض قالان مولکی وطنداشلاردا تراوما سونراسی استرس پوزوقلوغو، دپرسیون، ایلهتیشیمده چتینلیک، یوخوسوزلوق، سالدیرقانلیق و بو کیمی وضعیتلر یاشادیغینی آچیقلادی.
باخانلیغین عاجل تلفن خطی قوردوغو و ساواش سببی ایله پسیکولوژیک پروبلئمی اولانلارین ۲۴ ساعات فعالیت گؤسترهن بو خطه زنگ ائدیب پسیکولوگلارا مراجعت ائدهبیلهجگی ده علاوه ائدیلدی.
باخانلیغین پسیکولوژیک یاردیما احتیاجی اولان اینسانلارین تأثیرلی شکیلده توختادیلماسی اوچون تورکیهدن۲۰ متخصص پسیکولوگ دعوت ائتدیگینی ایفاده ائدرک تورکیهلی دکترلارلا چالیشاجاغی بیلدیریلدی.